”శోధిని”

Monday 31 December 2012

అందరికీ నూతన సంవత్సర శుభాకాంక్షలు!

 

       నూతన సంవత్సరం  అంటే ఒక సంవత్సరాన్ని  వెనక్కి పంపి ఇంకొక సంవత్సరాన్ని ముందుకు  తీసుకురావడం . వెళుతున్న పాత సంవత్సరానికి వీడ్కోలు చెబుతూ, వస్తున్న  కొత్త సంవత్సరానికి స్వాగతం పలకడం.

     గత సంవత్సరం లో జరిగిన చెడును మరచి పోయి, మంచిని గుర్తుచేసుకుంటూ కొత్త సంవత్సరంలోకి కొత్త ఆశయాలతో అడుగు పెడదాం.  ఈ నూతన సంవత్సరం మిత్రులు, శ్రేయోభిలాషులు అందరికి సకల శుభాలు కలగాలని ఆశిస్తూ ఆంగ్ల నూతన సంవత్సర  (2013) సందర్భంగా హృదయపూర్వక శుభాకాంక్షలు!

        ప్రపంచ వ్యాప్తంగా జరుపుకునే ఏకైక వేడుక ఇదే కాబట్టి, మన జీవితంలోనే కాకుండా ఎదుటి వారి జీవితంలో కూడా ఈ నూతన సంవత్సరం ఆనందం వెల్లివిరియాలని ఆశిద్దాం.

               అందరికీ నూతన సంవత్సర శుభాకాంక్షలు!

            WEL COME- 2013.

Friday 28 December 2012

కీచక భారతం

 
దేశ రాజధానిలో సాముహిక అత్యాచారానికి గురయిన బాధితురాలు, సింగపూర్ లో చికిత్స పొందుతూ శనివారం తెల్లరారుజామున తుదిశ్వాస విడిచినట్లు వైద్యులు ద్రువీకరించారు. ఆమె మృతి పట్ల నా ప్రగాఢ సంతాపం తెలియజేస్తున్నాను.  ఆమె ఆత్మకు శాంతి కలగాలని ప్రార్ధిస్తున్నాను. ఇప్పటికైన  విచారణ అంటూ కాలయాపన చేయకుండా ఈ ఘటలకు కారకులయిన మృగాలను వెంటనే ఉరి తీయాలి. అప్పుడే ఎలాంటి సంఘటనలు పునరావృతం కాకుండా ఉంటాయి.

Monday 17 December 2012

ఉపాద్యాయ వృత్తి ఏంతో గౌరప్రదమైనది.

 
ఉపాద్యాయ వృత్తి  ఏంతో  గౌరప్రదమైనది.  తల్లిదండ్రుల తర్వాత మనిషి వ్యక్తిత్వ వికాసంలో అద్యాపకులదే  కీలక పాత్ర..  అంతేకాకుండా సమాజంలోని ప్రతి రంగంలోనూ ఉపాధ్యాయుని ప్రభావం కచ్చితంగా ఉంటుంది.  తనను తాను సంస్కరించుకుంటూ సమాజాన్ని సంస్కరించాలి కాబట్టి, ఏ  మాత్రం నిర్లక్షంగా  వ్యవహరించినా... ఒక తరం తీవ్రంగా నష్టపోతుంది.  అందుకే పిల్లలకు పాఠాలు చెప్పే గురువులు భాద్యతగా  వ్యవహరించాలి.  విద్యార్థులలో ఆసక్తిని రేకెత్తించే స్థాయిలో భోదనలు చేయాలి.  విధినిర్వహణలో నిబద్దత, క్రమశిక్షణ ఖచ్చితంగా పాటించాలి.పాఠ్యంశాలలోని మాధుర్యాన్ని విద్యార్థులకు చవి చూపించాలి.  విద్యార్థులు ఉన్నత స్థాయికి చేరుకున్నాడంటే  అందులో ముఖ్యపాత్ర అద్యాపకులదే.  విద్యార్థులకు వినయ విధేయతలతోపాటు విద్యాబుద్దులు నేర్పి వారి భవిష్యత్తుకి బాటలు వేసేది ఉపాద్యాయులే. దేశం ప్రగతి పథంలో నిలబడాలంటే విద్యార్థులకు మంచి విద్యనందించే అధ్యాపకులు నేడు ఎంతో  అవసరం.  విద్యార్థులు కుడా గురువులను గౌరవించినప్పుడే వారి ఆశయం నెరవేరుతుంది.

Friday 14 December 2012

 
నీ సోగకనులు... 
విరబూసిన తామరలు!
నీ వోరచుపులు...
హృదిని గుచ్చుకునే 
మన్మధ బాణాలు!
నీ చిరునవ్వుల పరిమళాలు...
నా హృది సేదతీర్చే పులకింతలు!

Monday 10 December 2012

"ప్రేమను ప్రేమించు...ప్రేమకై!"

"ప్రేమను ప్రేమించు...ప్రేమకై!" సభ్యుల గ్రూప్ ఫోటో 

అపార్ట్ మెంట్లో అగ్ని ప్రమాదాలు.

 
        గత నెల నవంబర్ హైదరాబాద్, మణికొండలో ఒక సీరియల్ చిత్రీకరణ కోసం వేసిన షెడ్ లో అగ్ని ప్రమాదం సంభవించింది. తర్వాత పక్కనే ఉన్న 'బాబా నివాస్ అపార్ట్ మెంట్' కు మంటలు అంటుకోవడంతో ఓ పసికందువు తో పాటు ఆరు నిండు ప్రాణాలు బలై పోవడం జరిగింది.  ఎంతకీ షెడ్ నుంచి అపార్ట్ మెంట్ కు మంటలు ఎలా వ్యాపించాయంటే...అపార్ట్ మెంట్లో ఆరవేసిన దుస్తులు అంటుకోవడంతో అపార్ట్మెంట్ కు మంటలు వ్యాపించడం జరిగిందట.  లక్షల రూపాయలను పోగు చేసి ఫ్లాట్ ను కొంటారు. తన  ఫ్లాట్ ను ఎలా చూసుకుంటారో  అదేవిదంగా  అపార్ట్ మెంట్ ను కుడా జాగ్రత్తగా కాపాడుకోవాలి. ఏమాత్రం నిర్లక్షంగా ఉన్నా తర్వాత భారీ మూల్యం చెల్లించుకోవాల్సి ఉంటుంది. ఒకరి నిర్లక్షం కారణంగా మొత్తం అపార్ట్ మెంట్ వాసులు నష్టపోయారు.  అపార్ట్ మెంట్ అన్నాక అందులో నివసించే ప్రతి ఒక్కరికి  భాద్యత ఉంటుందని మరవద్దు.

Saturday 8 December 2012

ఆన్ లైన్ కవులు

 

"ప్రేమను ప్రేమించు... ప్రేమకై!" సభ్యుల మొదటి వసంతం 08-12-12 తేదిన 'అలంకృత రిసార్ట్' లో  కన్నులపండుగగా జరిగింది.  ఈ కార్యక్రమాన్ని చక్కగా నిర్వహించిన కవిత గారికి, వాసుదేవ్ గారికి, శ్రీనివాస్ (శ్రీ) గారికి, అందుకు సహకరించిన సభ్యులందరికీ ప్రత్యేక అభినందనలు. 



Friday 7 December 2012

వలపుబాణాలు...!

 
నీ సోగకనులు...
మెరిసే నక్షత్రాలు...
నీ ఓరచూపులు...
మదిని గుచ్చే వలపుబాణాలు...!

 (ఈనాడు ఈతరం శీర్షికలోని చిత్రానికి నా స్పందన)


Thursday 6 December 2012

ప్రేమంటే....?

 
ప్రేమంటే....?
వికసించే పుష్పం... 
విరజిమ్మే సుగంధం... 
కురిసే మమకారం... 
విరిసే అనురాగం... 
మురిపించే తీయని రాగం...
మైమరపించే కమ్మనిభావం... 
మాటల మకరందం... 
గాన మాధుర్యం... 
అంతే కాదు!
ఆత్మీయతల నిధి... 
అనురాగాల సన్నిధి... 
ఆప్యాయతల పెన్నిధి... 
అందుకే...!
ప్రేమను ప్రేమించు 
ప్రేమకోసం జీవించు.

Saturday 1 December 2012

మెడలో ఆభరణంలా....

















రాకుమారుడిలా ఉహల్లో కదిలావు 
కస్తూరి తిలకంలా నుదుటున నిలిచావు 
కంటిపాపలా కళ్ళల్లో మెరిశావు 
ఆభరణంలా మెడలో ఒదిగావు 

(ఈనాడు ఈతరం శీర్షికలోని చిత్రానికి నా స్పందన)

Thursday 29 November 2012

నీ రూపం అపురూపం!

















ఉషోదయాన కురిసే 

తుషార బిందువులా...
పున్నమినాడు  విరిసే 
వెన్నెల  జల్లులా...
తామరాకుపై నర్తించే 
నీటి బిందువులా...
నీ రూపం అపురూపం!
ప్రకృతికి ప్రతిరూపం!!


                                                                                                                                  

Thursday 22 November 2012

అవినీతీ..... నీదారి ఎటు?













       ఇప్పుడు కొందరు  రాజకీయ నాయకుల నోట వినిపిస్తున్న కొత్త మాట 'అవినీతి పైన పోరాటం'.  ఇటీవల పెద్ద పెద్ద కుంభకోణాలు అనేకం బైట పడ్డాయి.  కాని, ఈ కుంభకోణాలకు  పాల్పడిన వారే అవినీతి గురించి మాట్లాడటం విడ్డూరంగా ఉంది. చిత్తసుద్ధి లేని ఇలాంటి  నాయకుల కారణంగా ప్రభుత్వ శాఖలన్నిటిలోనూ అవినీతి తాండవం చేస్తోంది.ప్రజలకు సేవ చేయాలన్న ఆలోచన  ఇటు నాయకులలోనూ, అటు ప్రభుత్వ  సిబ్బంది లోనూ లోపించడంతో సమాజానికి 'అవినీతే' ప్రధాన శత్రువు గా మారింది. నాయకుల మనస్తత్వాలు మారనంత వరకు ఈ అవినీతి చాప క్రింద నీరులా ఉంటూనే ఉంటుంది.వీరి మాటలకు మోసపోకుండా అవినీతికి పాల్పడుతున్న వారిని నిలదీయాలి.... ప్రశ్నించాలి!

Sunday 18 November 2012

మన తెలుగు సినిమాలకు గ్రహణం


    మన హిందూ సంస్కృతిలో బ్రాహ్మణులకు మర్యాదపూర్వక మైన గౌరవం వుంది. హిందూ సంప్రదాయాలను, సంస్కృతిని వారినుండి ప్రజలు తెలుసుకుంటూ ఉంటారు. దేవాలయాలలో దేవుడిని దర్శించుకున్నాక పురోహితుడి పాదాలకు మొక్కుతారు.  అలాంటి  ఉన్నతమైన వ్యక్తిని సినిమాలలో పెట్టి హాస్యం పండించాలనుకోవడం మెడ మీద తలకాయ వున్నవారు ఎవరూ ఆలోచించరు.  

  అదేవిధంగా మన సమాజంలో ఉపాద్యాయ వృత్తి ఏంతో గౌరప్రద మైంది. సమాజంలోని ప్రతి రంగంలోనూ ఉపాధ్యాయుని ప్రభావం కచ్ఛితంగా ఉంటుంది. తల్లితండ్రుల తర్వాత మనిషి వ్యకిత్వ వికాసంలో అద్యాపకులదే కీలక పాత్ర. విద్యార్థులు ఉన్నత స్థాయికి చేరుకున్నారంటే అందులో ముఖ్య పాత్ర ఉపాద్యాయులదే. అలాంటి గురువులను సినిమాలలో జోకర్ గా చూపించి విద్యార్థుల చేత ఆట పట్టించడం ఎంతవరకు సమంజసమో దర్శక, నిర్మాతలు ఆలోచించాలి. సినిమా ప్రారంభం రోజు ఏంతో భక్తి శ్రద్ధలతో భగవంతుడికి కొబ్బరకాయ కొట్టి తొలి ముహూర్తపు షాటు తీస్తారు. అలా పవిత్రంగా మొదలైన సినిమా నిండా బూతు సన్నివేశాలు నింపడం ఎందుకో  సినీ పెద్దలకే తెలియాలి.

      సమాజంలో ఎన్నో సమస్యలున్నాయి.  వాటి పరిష్కార దిశగాఎన్నో చిత్రాలను తీయవచ్చు. అలా చేయకుండా సమాజాన్ని అవమానపరచేలా, ప్రజల మనోభావాలను దెబ్బతీసేలా సినిమాలను నిర్మించాలనే ఉద్దేశం దర్శక, నిర్మాతలకు కలగడం చారించతగ్గ విషయం.  ఎప్పటికైన సినీపెద్దలు కొంచెమయినా నైతికంగా ఆలోచించాలి.  అశ్లీలత, అసభ్యతే లక్ష్యంగా కొన్ని వర్గాలను కించపరచే విధంగా సినిమాలను నిర్మించి, ప్రజాప్రదర్శనకు ఆమోదయోగ్యం కాదని గుర్తించాలి.  ఆర్ధిక ప్రయోజనాల కోసం కులాలను వాడుకోవడం, కొన్ని ప్రాంతాలవారిని అవమానపరచడం సంస్కారం అనిపించుకోదు.

        అక్టోబర్, నవంబర్ లో విడుదలయిన కొన్ని సినిమాలను చూస్తుంటే అసలు తెలుగు సినిమాలకు సెన్సార్ బోర్డు  అన్నది ఒకటి ఉందా? అనిపిస్తుంది.  ఎందుకంటే ఈ రెండు నెలలలో వచ్చిన చిత్రాలలో కొన్ని సామాజికవర్గాలను కించపరచే సన్నివేశాలు, విచ్చలవిడిగా బూతుల మాటలు, అశ్లీలత సన్నివేశాలు, దబుల్ మీనింగ్ డైలాగులున్న సినిమాలకు సెన్సార్  ముద్రవేసి సమాజం పైకి వదిలేశారు.సెన్సార్ సభ్యులకు సినిమాలలోని బూతు మాటలు వినిపించలేదు.  హీరోయిన్ జానెడు బట్టలు కట్టి గెంతినా కనిపించలేదు.   పనిగట్టుకొని ఓ వర్గాన్నో, మతాన్నో కించపరచినా పట్టించుకోలేదు .  ఇలాంటి  సెన్సార్ మెంబర్స్ మనకు దొరకడం మన తెలుగువారి దౌర్భాగ్యం.



Thursday 15 November 2012

గోరంత పూజకి కొండంత ప్రతిఫలం!




       తెలుగు మాసాలలో కార్తిక మాసం ఎంతో పవిత్రమైనది.  ఈ మాసంలో శివునికి చేసే పూజకి కొండంత ఫలం లభిస్తుంది భక్తుల నమ్మకం.  కార్తిక  మాసంలో  శివుడికి అభిషేకములు, మారేడుదళాలు  సమర్పించినా  శివ కటాక్షం లభిస్తుందంటారు. ఈ మాసంలో కార్తిక స్నానం, తులసి పూజ, శివకేశవుల స్తోత్ర పారాయణం, పూర్ణిమ, ఏకాదశులలో చేసే శ్రీ సత్యనారాయణ వ్రతం అత్యంత శుభఫలాలు ఇస్తాయని భక్తుల ప్రగాఢ విశ్వాసం.


Monday 12 November 2012

దీపం... 'లక్ష్మీ దేవి' ప్రతిరూపం!


        మన ముఖ్య పండుగలలో  దీపావళి ఒకటి. కుల మతాలకు అతీతంగా జరుపుకునే ఈ పండుగ భిన్నత్వంలో ఏకత్వాన్ని సూచిస్తుంది.  పండుగలన్నీ సూర్యోదయంతో మొదలయితే,  దీపావళి మాత్రం సుర్యాస్తమయంతో మొదలవుతుంది.  ఇంటిల్లిపాదీ పిల్లలు, పెద్దలు అందరూ  కలసి ఆనందోత్సాహాలతో జరుపుకునే పండుగ.

        దీపావళి రోజు లక్ష్మీ పూజ ప్రధానం.  అజ్ఞానాన్ని పారద్రోలే సాక్షాత్తు లక్ష్మీదేవి అని, దీపం వున్నా చోట జ్ఞాన సంపద ఉంటుందంటారు.  అందుకే ఈ రోజున లక్ష్మీదేవిని  భక్తి శ్రద్దలతో పూజిస్తే సర్వ సంపదలు సిద్దించి, సర్వ శుభాలు కలుగుతాయంటారు.  అంతే కాకుండా లక్ష్మీ సహస్ర నామాలతో లక్ష్మీ దేవిని ఆరాధించడం వల్ల  లక్ష్మీ సంపన్నురాలై, అష్టైశ్వర్యాలను ఇస్తుందని ప్రజల విశ్వాసం.

        అమావాస్య చీకట్లను పారద్రోలే  దీపం లక్ష్మీ దేవి ప్రతిరూపం.  అందుకే దీపాలను తోరణాలుగా అమర్చి ఐశ్వర్య లక్ష్మీని పుజిస్తారు.  ఈ రోజున టపాసులను కాలిస్తే, మానవ జీవితాలలో వెలుగులు విరజిమ్ముతాయని నమ్ముతారు.  అయితే టపాసులను పేల్చడంలో ప్రమాదాలకు తావు లేకుండా  తగు జాగ్రత్తలు పాటించాలి.  పెద్దలు, పిల్లల దగ్గరుండి  టపాసులను కాల్పించాలి.  

        మిత్రులందరికీ ...దీపావళి శుభాకాంక్షలు!

Friday 9 November 2012

ప్రేమను ప్రేమించు!



అమ్మ ప్రేమ అమృతం... 
నాన్న ప్రేమ మకరందం... 
భార్య ప్రేమ మమకారం... 
అక్క ప్రేమ అనురాగం... 
అన్న ప్రేమ ఆప్యాయత... 
చెల్లి ప్రేమ అపురూపం... 
తమ్ముడి ప్రేమ ఆహ్లాదం...                                                                                                                        
ప్రేమను ప్రేమించు!
ప్రేమకోసం జీవించు!!

Sunday 4 November 2012

మకరందం!


జీవితం మనోహరమైన పుష్పం! 
అందులో 'ప్రేమ' నిరంతరం స్రవించే...
మధురమైన మకరందం!!

Saturday 3 November 2012

స్పందన


              ఈనాడు ఈతరం నెట్

పువ్వులోని పరిమళం...
తుమ్మెదను ఆకర్షిస్తుంది.... 
జలపాతం లాంటి నీ సోయగం... 
మనసును రంజింపజేస్తుంది.

Tuesday 30 October 2012

అమ్మాయి నవ్వులు... అందమైన పువ్వులు!



         అమ్మాయి నవ్వితే మనకో పండుగ.  ఆమె నడుస్తుంటే మనకో సంబరం.  అమ్మాయి కనపడగానే మనసంతా ఉల్లాసం. కానీ, అమ్మాయి పుట్టిందంటే మాత్రం ఇంటిల్లిపాదీ ఉస్సూరంటుంది. దేశం అభివృద్ధి పథంలో పయనిస్తున్నా ... స్త్రీలు  రాష్ట్రాలను, దేశాన్ని ఏలుతున్నా ...ఆడపిల్లల పట్ల వివక్షాత్మక ధోరణి ముదురుతున్నడం  నిజంగా మన దౌర్భాగ్యం.  ఆడపిల్ల అమ్మ కడుపులో వుందని తెలియగానే అక్కడే ఛిద్రమై పోతోంది. ఇలా  ఆడపిల్లలను పొట్టన పెట్టుకునే ధారుణమైన  చరిత్ర పెద్ద పెద్ద ఇళ్ళల్లో, బాగా చుదువుకున్న వారిలో జరగడం బాధాకరం.  ఎక్కడ స్త్రీ ఉంటుందో అక్కడ పవిత్రత వుంటుంది.  వారి నవ్వులోనే వుంటుంది కమ్మనైన ప్రపంచం. స్త్రీలు అన్ని రంగాలలో ముందున్నట్లే, పురుషులతో సమానంగా ఎదగనివ్వాలి.  దేశంలో ఆడ, మగ సంఖ్య సమానంగా ఉన్నప్పుడే దేశం అభివృద్ధి చెందటానికి వీలు  కలుగుతుంది.
        

Friday 26 October 2012

ముస్లిం సోదరీసోదరులకు శుభాకాంక్షలు!


        ప్రతి పండుగ వెనుక ఒక సందేశం దాగి వుంటుంది.  అలాంటి సందేశాత్మక పండుగలల్లో  ముస్లింలు త్యాగానికి ప్రతీతగా భక్తీ భావంతో జరుపుకునే పండుగ బక్రీద్.  ఈ సందర్భంగా ముస్లిం సోదరీసోదరులకు నా హృదయపూర్వక  శుభాకాంక్షలు!

Thursday 25 October 2012

మూగజీవులు...మనపిల్లలే!

ప్రకృతి లోని ప్రతి ప్రాణి  అవసరం మరో ప్రాణికి వుంటుంది.  కాబట్టి ప్రతి జీవిని రక్షించుకోవాలి.  జీవకోటిలో ఎ ఒక్కటి అంతరించినా, అదిమొత్తం జీవావరణపైన ప్రతికూల ప్రభావం చూపుతుంది. పచ్చదనాన్నికాపాడుకుంటూ, జీవులను రక్షించుకుంటేనే మనుగడ సాధ్యం.  అందుకే మాగజీవులను మన కన్నా బిడ్డల్లా చూసుకుంటాం.  వాటిని పరిరక్షించుకునే బాధ్యత తీసుకుందాం. వాటిని చంపడం మాని, పెంచడం నేర్చుకుందాం!


Tuesday 23 October 2012

విజయదశమి శుభాకాంక్షలు!


       తొమ్మిది రోజుల తొమ్మిది రూపాలలో దర్శనమిస్తూ భక్తులకు కనువిందు చేసిన దుర్గా దేవి, పదవ రోజు మహిషాసురుణ్ణి వదిస్తూ కన్పించే రూపం...మహిషాసురమర్ధిని రూపం. దుష్టసంహారం కోసం, దేవతలంతా తమతమ ఆయుధాలను దుర్గాదేవికి సమర్పిస్తారు.  వాటి సహాయంతో  పదిరోజులు మహిషాసురుని సైన్యంతో తలపడి భీకరమైన యుద్ధం చేసి, చివరి రోజు అత్యంత బలవంతుడయిన మహిషాసురుణ్ణి సంహరించి విజయం సాధించిన దుర్గా దేవిని భక్తులందరూ భక్తి శ్రద్ధలతో పూజించి పండుగ చేసుకుంటారు.  ఆశ్వయుజ శుక్ల పాడ్యమి నుండి దశమి వరకు దేవీ శరన్నవరాత్రులుగా జగన్మాత విశేష పూజలందుకుంటుంది.  ఆశ్వయుజ మాసంలోని శరన్నవరాత్రులు అమ్మవారిని ఆరాధిస్తే సకల శుభాలు ప్రాప్తిస్తాయి.  విజయదశమినాడు  ఆదిపరాశక్తిని భక్తి శ్రద్ధలతో పూజించి తల్లి అనుగ్రహంతో శక్తిసంపన్నలవుదాం.

విమి మీకు, మీ కుటుంభ్యుకు యురారోగ్య శ్వర్యాలు                        సిద్ధించాని శిస్తూ... విమి శుభాకాంక్షలు!

Monday 15 October 2012

శరన్నవరాత్రులు



           శరన్నవరాత్రులలో తొమ్మిది రోజులు తొమ్మిది అవతారాలలో ఆయా దేవిలను పూజిస్తారు.  ఈ తొమ్మిది రోజులు అమ్మవారికి నైవేద్యంగా మొదటిరోజు (16-10-12) శ్రీ బాలా త్రిపురసుందరీ దేవికి పరమాన్నం, రొండో రోజు(17-1012) శ్రీ దేవి లలితాంబ అమ్మవారికి దద్దోజనం, మూడో రోజు(18-10-12) శ్రీ గాయత్రిమాతకి చక్రపొంగలి సమర్పిస్తారు. నాలుగో రోజు (19-10-12) శ్రీ అన్నపూర్ణా దేవికి పులగం, ఐదో రోజు (20-10-12)సరస్వతి దేవికి పులిహొర, ఆరోరోజు (21-10-12) శ్రీ మహాలక్ష్మి దేవికి  పెసరపప్పుతో చేసిన వంటకం, ఏడో రోజు (22-10-12) శ్రీ దుర్గామాతకి బెల్లంతో వండిన పదార్థాలు, ఎనిమిదో రోజు (23-10-12) శ్రీ మహిశాసురమర్దినికి గారెలు, తొమ్మిదో రోజు (24-10-12) శ్రీ రాజరాజేశ్వరీ దేవికి ఆరు రుచులతో కూడిన వంటలు సమర్పిస్తారు.

          ఈ తొమ్మిది రోజులు రకరకాల పూలతో అమ్మవారిని అలంకరిస్తారు. ముఖ్యంగా అమ్మవారికి ఎరుపు రంగు అంటే అమితమైన ఇష్టం.  అందుకే కుంకుమ పూజకు అంత విశిష్టత.  అలాగే ఎర్ర పూలన్న, ఎర్రని వస్త్రాలన్నఆమెకి ప్రీతి. అమ్మ వారికి అనేక నామాలున్నాయి.  గ్రామాలలో అయితే ఎల్లమ్మ, నూకాలమ్మ, బతుకమ్మ, పైడితల్లి అని, పట్టణాలలో అయితే బెజవాడ కనకదుర్గ, శ్రీ శైల భ్రమరాంబ, మధుర మీనాక్షి, కాశీ  విశాలాక్షి,  కంచి కామాక్షి, శృంగగిరి శారదాంబ అంటూ పిలుస్తారు.

          నవరాత్రులు అమ్మవారిని భక్తి శ్రద్ధలతో  పూజిస్తే  సర్వ మంగళాలు ప్రసాదించి, సంరక్షిస్తుందని భక్తుల ప్రగాఢ విశ్వాసం.

          బ్లాగు మిత్రులందరికీ అమ్మ సంపూర్ణ అనుగ్రహం లభించాలని ప్రార్ధిస్తున్నాను.