'మల్లీశ్వరి'

ప్రకృతి సోయగాల్ని, హృదయపు లాలిత్యాన్ని మేళవించిన పాటలు పరిమళిస్తాయ.  మనసున నిలిచి మధురానుభూతిగా మిగులుతాయి. 'మల్లీశ్వరి'  చిత్రంలోని ఈపాట ఈ కోవలోకే వస్తుంది. 

మనసున మల్లెల మాలలూగెనె

కన్నుల వెన్నెల  డోలలూగెనె

ఎంత హాయి ఈ రేయి నిండెనో 

ఎన్నినాళ్ళకి బ్రతుకు పండెనో 

కొమ్మలు గువ్వలు గుసగుస మనినా 

రెమ్మల గాలులు ఉసురుసురనినా 

అలలు కొలనులో గలగలమనినా 

దవ్వుల రేణువు సవ్వడు వినినా 

నువ్వు వచ్చేవని -నీ పిలుపే విని 

కన్నుల  నీరిడి కలయ చూసితిని

గడియ ఏని ఇక విడిచి పోకుమా

ఎగసిన హృదయం పగుల నీకుమా 

ఎన్ని నాళ్ళకీ బ్రతుకు పండెనో 

ఎంత హాయి ఈ రేయినిండెనో 

చిత్రం:    మల్లీశ్వరి 

రచన:    దేవులపల్లి కృష్టశాస్త్రి 

గానం:    భానుమతి 

సంగీతం: సాలూరి రాజేశ్వరరావు