స్వచ్చమైన ప్రేమకు షరతులు
ఉండవు. ఎప్పుడైతే ప్రేమను షరతుల తక్కెడలో
వేసి తూకం వేస్తారో అప్పుడే అది నిజమైన ప్రేమ కాదని తేలిపోతుంది. అదేవిధంగా
ప్రేమ ఎప్పుడూ వన్వే కాకూడదు.
ప్రేమించడానికైనా, ప్రేమను పొందడానికైనా విశాలమైన హృదయం ఉండాలి. అందరినీ ఆప్యాతతో ఆదరించే గుణాన్ని
అలవర్చుకోవాలి. ప్రేమతో అందరి మనసులను
గెలవాలి. మనసుకు నచ్చినవారి నుంచి ఎలాంటి
ప్రతిఫలం ఆశించకుండా వారి సంతోషం కోసమే ఆలోచించగలగడమే నిజమైన ప్రేమ. అలాంటి ప్రేమ ఇద్దరి మధ్య ఏర్పడితే అప్పుడు
మాత్రమే వారు నిజమైన ప్రేమికులవుతారు.
జీవితాంతం ప్రేమ పక్షుల్లా జీవించగలుగుతారు.
