”శోధిని”

Tuesday 16 June 2015

కమ్మని మట్టి పరిమళాలు !


నింగి నిండా మేఘమాలికలు
కమ్ముకోగా మెరిసింది మెరుపు
ఆహ్లాదకరమైన చల్లని గాలులు
ప్రకృతి అంతా విస్తరించగా ...
వెలసింది సప్తవర్ణాల హరివిల్లు !
ఆ అపురూప దృశ్యాన్ని చూసి
దేవతలు అక్షింతలు చల్లి దీవించినట్లు
నింగి నేలను కలుపుతూ...
కురిశాయి తొలకరిజల్లులు !
పుడమితల్లి ఆనందంతో పులకించి
మట్టి పరిమళాలను వెదజల్లగా ...
కమ్మని వాసన పరిసరాలను
మురిపించింది ...మైమరపించింది!