”శోధిని”

Sunday 28 October 2018

అడుగడుగునా అవకాశవాదులే !


మంచికి పోతే చెడు మూటకట్టుకునే రోజులివి.  ఎవరిని నమ్మాలో, ఎవరిని నమ్మకూడదో తెలియని పరిస్థితి.  అవసరం ఉన్నప్పుడు ఒకలా, అవసరం తీరిపోయాక మరొకలా  అబద్దాలు ఆడటం వీరి నైజం.  అందుకే ఇలాంటి అవకాశవాదులతో ఎంతవరకు ఉండాలో అంతవరకే ఉండటం  ఆలవాటు చేసుకోవడం  ఉత్తమం. 




Wednesday 24 October 2018

నేటి ఫ్యాషన్


చింపిరి జుట్టు...

పెంచిన గడ్డం...
చిరిగిన  దుస్తులు ...
ఇవి ఒకప్పుడు
పేదరికానికి చిహ్నాలు !
అదే నేడు ...
యువత మెచ్చిన ఫ్యాషన్లు !!


Saturday 20 October 2018

'నందనవనం'

కులమేదయినా,  మతమేదయినా   పెళ్లి ప్రమాణాల  అర్థం ఒక్కటే! ' భాగస్వామిని ప్రేమిస్తానని, గౌరవిస్తానని, కష్టసుఖాల్లో తోడు నీడగా నిలుస్తానని చెప్పడమే! ' అదే విధంగా భార్య చేత భర్త ప్రేమించబడాలి.  భర్త చేత భార్య ఆరాధించబడాలి.  ఈ విధంగా దంపతులిద్దరూ హృదయాలతో మాట్లాడుకుంటూ  కట్టుబడి జీవిస్తే, ఆ దాంపత్య జీవితం  అందమైన 'నందనవనం' అవుతుంది.  


Thursday 18 October 2018

అపురూపం...అమ్మ దర్శనం


బ్రహ్మదేవుని వరం పొంది గర్వంతో ఋషులను, దేవతలను నానా బాధలు పెట్టిన మహిషాసురుడ్ని సంహరించిన అనంతరం తన ఉగ్రరూపాన్ని భరించగల యక్షున్ని   సింహాసనంగా చేసుకొని దుర్గాదేవిగా అవతరించిందిఅమ్మవారు.    అలా స్వయంభువుగా వెలసిన అమ్మవారు మహిషుడ్ని  తన 18 బాహువులతో అంతమొందించిన రోజు విజయదశమిగా జరుపుకుంటారు.   శ్రీరాముడు దశకంఠున్ని  సంహరించిన రోజు కూడా ఇదే కావడం వల్ల  ప్రజలు పండుగను జరుపుకుని ఆనందించింది కూడా ఇదే రోజు కావడం విశేషం.  అర్జునుడు ఈశ్వరుడిని తన తపస్సుతో మెప్పించి పాశుపతాస్త్రం పొంది విజయుడయినందున కూడా ఈ రోజును విజయదశమిగా జరుపుకుంటారని మరోగాధ. ఏదిఏమైనా చెడుపై మంచి విజయం సాధించిన రోజు విజయదశమి. 

మిత్రులందరికీ విజయదశమి శుభాకాంక్షలు!




Friday 12 October 2018

ప్రేమంటే....?



వికసించే పుష్పం
విరజిమ్మే సుగంధం
కురిసే మమకారం
విరిసే అనురాగం
అంతే కాదు.....
ఆత్మీయతల నిధి
అనురాగాల సన్నిధి
ఆప్యాయతల పెన్నిధి!


Monday 1 October 2018

మహాత్మాగాంధీ 150 వ జయంతి సందర్భంగా...


చరిత్రలో ఇంకెప్పటికీ చూడలేని నాయకుడు మహాత్మాగాంధీ.  ఆయన చెప్పిన మాట.... నడిచిన బాట ఏ తరానికయినా  ఆదర్శం.  బాపూజీ చెప్పిన సూక్తులు ప్రపంచ మానవాళికి సైతం ఆచరణీయం.  స్వాత్రంత్ర ఫలాలను అనుభవిస్తున్న మనకు అనుక్షణం ఆ మహానుభావుడు గుర్తుకు వస్తూనే ఉంటాడు. జాతిపిత చూపిన ధర్మమార్గంలో నడుద్దాం!