శ్రీ మహాలక్ష్మిని కొలవని, ధ్యానించని ఇల్లూ, వాకిలి ఉండవంటే అతిశయోక్తికాదు. మనం అనుభవించే సిరిసంపదలు ఆ తల్లి ప్రసాదించినవేనని మనందరికీ తెలుసు. ఆ దేవిని స్తుతించినా, పూజించినా ఆమె అనుగ్రహం తప్పక లభిస్తుంది. తద్వారా సకల సంపదలు మన సొంతమవుతాయి. సృష్టి, స్థితి లయకారిణి అయిన అమ్మవారు అనంత శక్తి స్వరూపిని. ఈ ప్రపంచమంతా సర్వం తానై ఇమిడి ఉంది. అమ్మ కరుణ ఉంటేచాలు కష్టాలు, దుఃఖాలు అన్నీ క్షణంలో మటుమాయమైపోతాయి. సకల శుభాలనిచ్చే శ్రీ మహాలక్ష్మిని భక్తితో పూజించి, నిష్టగా, నైవేద్యాలు సమర్పించిన వారింట అమ్మవారు నిత్యం కొలువై ఉంటుందని ప్రజల విశ్వాసం.
