శ్రామిక మహర్షి

ఉద్యోగాల  కోసం  నగరబాట పట్టే యువత,   వ్యవసాయరంగంలో కూడా మంచి ప్రగతి సాధించవచ్చని తెలుసుకొని వ్యవసాయరంగంలో   భాగస్వామ్యం  కావాలి.  కొత్తగా వచ్చే సాంకేతిక పరిజ్ఞానాన్ని ఒడిసిపట్టుకుని వ్యవసాయరంగంలో క్రియాశీలక పాత్ర పోషించాలి. పట్టణాల నుంచి పల్లెబాట పట్టి,  వ్యవసాయరంగానికి పూర్వవైభం తీసుకురావాలి.   శ్రామికులే  చరిత్ర నిర్మాతలు.

అందరికీ "మేడే" శుభాకాంక్షలు !

ఇంటర్ బోర్డును ప్రక్షాళన చేయాలి.

సరైన  పర్యవేక్షణ లేకపోవడంతో ఇంటర్మీడియట్ బోర్డులోని ప్రతి వ్యవస్థ లోపభూయిష్టంగా  మారింది.  అసలు బోర్డులో ఏమి జరుగుతోంది? అక్కడ సిబ్బంది పనితీరు ఎలా ఉంది ? అని తెలుసుకునే నాధుడే లేకపోవడంతో  సిబ్బంది ఇష్టారాజ్యంగా మారింది.   వారి నిర్లక్షానికి ఏంతో భవిష్యత్తు ఉన్న విద్యార్థులు  బలికావడం ఏమిటి?   అధికారుల తప్పిదాలవల్ల పొరపాట్లు జరిగాయని చెప్పడం సహించరాని నేరం.   మళ్ళీ ఇలాంటి తప్పిదాలు జరగకుండా తగు జాగ్రత్తలు తీసుకుని,  విద్యార్థుల కన్నీటికి కారకులయిన అధికారులను కఠినంగా శిక్షించాలి.  సప్లిమెంటరీ పరీక్షలను కొద్దిరోజులు వాయిదా వేసి, రీకౌంటింగ్, వెరిఫికేషన్ కోసం విద్యార్థులు నుండి ఎలాంటి రుసుము తీసుకోకుండా తగు చర్యలు చేపట్టాలి.  ఇప్పటికయినా  ప్రభుత్వం స్పందించి విద్యార్థుల జీవితాలతో ఆటలు ఆడుకుంటున్న ఇంటర్ బోర్డును  పూర్తిగా ప్రక్షాళన చేయాలి.



                                                                                            -

వేసవిలో చల్లగా... హాయిగా !

ఆరోగ్యంగా, ఆనందంగా ఉండాలంటే ప్రకృతితో మమేకమవ్వాలి.  దాంతో ఒత్తిడి తగ్గిపోయి మానసిక ప్రశాంతత లభిస్తుంది.  గత నెల రోజులుగా  మండుతున్న ఎండలకు ఉక్కపోతతో ఉక్కిరిబిక్కిరి అవుతున్న సమయంలో   ఒక్కసారిగా భారీ వర్షం కురిసి  వాతావరణం  ఆహ్లాదంగా మారడంతో,   ప్రకృతి  ప్రేమికులు ఆనందంతో పరవశించిపోయారు.  చల్లదనాన్ని మదిలో నింపుకొని మేఘాలలో తేలిపోయేలా తన్మయభరితం.    

సీతారాముల కల్యాణం కమనీయం, రమణీయం

తల్లిదండ్రుల మాట జవదాటని తనయుడిగా, సత్యవాక్పరిపాలకుడిగా, ప్రజలను కంటికి రెప్పలా కాపాడే ధర్మ ప్రభువుగా అందరి మన్నలను పొందిన   శ్రీరామచంద్రుడు  ఎంతో మహాన్నతుడు.  తమ్ముళ్ళ పట్ల ప్రేమానురాగాలు, భర్యాభార్తల మధ్య ఉండవలసిన అనురాగం, ఆప్యాయతలు,  పిల్లల పట్ల తండ్రి బాధ్యత మొదలైనవన్నీ తాను ఆచరించి లోకానికి తెలియజెప్పిన ఆదర్శముర్తి శ్రీరాముడు.  రామబాణం రక్షిస్తుంది... రామహస్తం దీవిస్తుంది... రామ పాదం నడిపిస్తుంది...రామమంత్రం సుఖశాంతులను అందిస్తుంది. రామ నామం మధురం... మధురాతి మధురం.  సీతారాముల కల్యాణం కమనీయం, రమణీయం…. సర్వజనులకు ఆనందదాయకం.  శ్రీరామచంద్రుడి జన్మదినం లోకానికంతటికీ పర్వదినం.   

"ఉగాది ఉషోదయం"