”శోధిని”

Tuesday 30 July 2019

జలనిధి


వాన నీటిని ఒడిసి పడితే ... 
ఒదిగి పోతుంది 
విడిచి పెడితే ... 
నాశనం చేస్తుంది 
జలనిధిని పెంచడం మన విధి !



Tuesday 23 July 2019

మనసున.. మనసై !

భాష ఏదయినా, మతం ఏదయినా పెళ్లి ప్రమాణాల అర్థం ఒక్కటే!  భాగస్వామిని ప్రేమిస్తానని, గౌరవిస్తానని, కష్టశుఖాల్లో తోడూ  నీడగా నిలుస్తానని చెప్పడమే!  ఆ ప్రమాణాలకు కట్టుబడి భార్యాభర్తలు తమ జీవన విధానాన్ని ఒక ప్రణాళికాబద్ధంగా మలచుకోవాలి.  సంసారం అన్నాక అభిప్రాయభేదాలు రాకుండా ఉండవు.  తాము అనుకున్నట్టుగానే జరిగితే బాగుంటుందని ఇద్దరికీ ఉంటుంది.   ఎవరికివారే తమ మాటే నెగ్గాలన్న అహంకారం ప్రదర్శిస్తే, చినికి చినికి గాలి వాన అవుతుంది.  తెలివైన దంపతులయితే స్నేహపూరిత వాతావరణంలో సామరస్యంగా మంచి చెడులను విశ్లేషించుకుని  తగిన నిర్ణయం తీసుకుంటారు.  

Sunday 14 July 2019

సుగుణాల నేరేడు


మే , జూన్, జులై నెలల్లో మాత్రం దొరికే నేరేడు పండ్లు ఎంత ఎక్కువ తీసుకుంటే అంత  మంచిది.  వగరు, తీపి కలకలిసిన  ఈ పండును తినడానికి అందరూ  ఇష్టపడతారు.  ఈ పండులో ఉండే విటమిన్ 'ఎ ' కంటి చూపును మెరుగుపరుస్తుంది. విటమిన్ 'సి రోగనిరోధకశక్తిగా పనిచేస్తుంది.  పొటాషియం, ఐరన్, మెగ్నీషియం అధిక రక్తపోటును తగ్గించి, గుండె జబ్బులను అడ్డుకుంటుంది.  ఈ పండును తినడం వల్ల రక్తాన్ని శుభ్రపరచి, రక్తప్రసరణను క్రమబద్దీకరిస్తుంది. శరీరంలోని విషపదార్థాలను బైటకు పంపుతుంది.   ఈ పండ్లను తినేటప్పుడు కొద్దిగా ఉప్పు చల్లుకుని తింటే చాలా  బాగుంటాయి.   ఇన్ని సుగుణాలున్న నేరేడు పండ్లు తిన్న వెంటనే పాలు త్రాగకూడదంటారు. ఈ పండ్లను మధుమేహానికి ఉపయోగిస్తారని అందరికీ తెలిసిన విషయమే!

Friday 12 July 2019

దివ్యమనోహరుడు ... శ్రీ వేంకటేశ్వరుడు !


ఆనంద నిలయంలో కొలువై ఉండి,  భక్తులను తనవద్దకు రప్పించుకునే  దేవదేవుడు శ్రీ వేంకటేశ్వరుడు. కోరిన వరాలిచ్చే కోనేటి రాయని  మొక్కు తీర్చుకునేందుకు రోజూ  తిరుమలకు వేలసంఖ్యలో భక్తులు వెల్లువెత్తుతారు.  వైకుంఠం ఎలా ఉంటుందో మనం చూడలేదు కాని, తిరుమలలో అడుగు పెట్టగానే నిజమైన వైకుంఠం మనకళ్ల ముందు ప్రత్యక్షమవుతుంది.  స్వామివారిని  కనులారా తిలకించి, భక్తిపారవశ్యంతో పునీతులవుతారు.  తిరుమలేశుని విగ్రహం  విష్ణురూపమే అయినా విభిన్న దేవతాచిహ్నాలు కలిగిన దివ్యమనోహర విగ్రహం.  అంటే, ముక్కోటి దేవతలు స్వామియందే ఉన్నారని అర్థం.  


Saturday 6 July 2019

పుష్ప విలాసం !



రకరకాల పుష్పాలన్నీ ఒకచోట కనిపిస్తే మురిసిపోయి  ఆనందంతో మైమరచిపోతాం.  ప్రకృతిలో అందాన్ని ఆహ్లాదాన్ని పంచేవి పూలు.  వీటికున్న   అద్భుతమైన శక్తి అలాంటిది.  మరుగొల్పే చల్లని మల్లెలు, కాంతులీనే కనకాంబరాలు, సన్నజాజుల సోయగాలు, పరిమళాలు వెదజల్లే లిల్లీలు కలువలా  కనువిందు చేస్తాయి.  గులాబీల గుబాళిస్తాయి.