ఎన్నికల సందర్భంగా జరుగుతున్న మీటింగ్ లో
ఓ నాయకుడు మాట్లాడుతూ ... "బిసీ, ఒసీల పక్షపాతి మన మంత్రిగారు" అన్నాడు.
మరో నాయకుడు మాట్లాడుతూ ...
"ఎస్సీ , ఎస్టీల పక్షపాతి మన నాయకుడు" అన్నాడు.
ఎన్నికలు రానే వచ్చాయి
"మంత్రి గారు బిసీ, ఒసీల పక్షపాతి కాబట్టి
మన కులాలవాళ్లు అతనికి ఓటు వేయవద్దు"
అని ఎస్సీ , ఎస్టీల ఓటర్లు నిర్ణయించుకున్నారు.
"మంత్రిగారు ఎస్సీ , ఎస్టీల పక్షపాతి కాబట్టి ...
మనమంతా కలిసికట్టుగా అతన్ని ఓడించాలి "
అని బిసీ, ఒసీల ఓటర్లు నిర్ణయం తీసుకోవడంతో
మంత్రిగారు భారీ మెజారిటీతో ఓడిపోయారు.
అప్పటి నుంచి కులాల పేరుతో
ఓట్లు అడగకూడదని మంత్రిగారికి జ్ఞానోదయం అయింది.
