”శోధిని”

Friday 28 February 2014

కొత్త రాజకీయ సూత్రం !


'ఇతర పార్టీ నాయకులను' మా పార్టీలో చేర్చుకోవడం న్యాయం ...
'మా పార్టీ నాయకులను' ఇతర పార్టీవాళ్ళు  చేర్చుకోవడం అన్యాయం !

Wednesday 26 February 2014

'శివోహం'

                     

హిందువులకు గొప్ప పర్వదినం 'శివరాత్రి '.  భక్తి,  ప్రపత్తులతో పూజిస్తూ 'ఓం నమశ్శివాయ... హరహర మహాదేవ... శంభోశంకర' స్మరణతో మారుమ్రోగే రోజు 'శివరాత్రి.  శాంతముర్తి, లింగమూర్తి అయిన శివుడు జ్యోతిర్లింగ రూపంలో అర్చింపబడతాడు... పూజింపబడతాడు. సృష్టి లయకారుడు పరమ శివుడు.  భక్తవశంకరుడు... భోలాశంకరుడు సమస్త జగతికి ఆది గురువు లింగస్వరూపుడు శివుడు.   మాఘమాసం బహుళ చతుర్ధశి రోజున పరమ శివుడు లింగరూపంలో ఆవిర్భవించాడు.  ఈ రోజు త్రినేత్రుని దివ్యరూపం కోటి కాంతులై ప్రజ్వరిల్లుతుంది..  పరమేశ్వరుని మంత్రం 'ఓం నమశ్శివాయ'.  ఈ పంచాక్షరీ మంత్రం పరబ్రహ్మమయం.  ఈ మంత్ర మహిమ గురించి ఈశ్వరుడే స్వయంగా చెప్పాడని మన పురాణాలు చెబుతున్నాయి. ఈ మంత్రం పలికినవారికి ఎంతఫలం  కలుగుతుందో ... విన్నవారికీ అంతే  ఫలితం కలుగుతుందని, తెలిసీతెలియక చేసిన పాపాలు, దోషాలు తొలగిపోయి సుఖాలు కలుగుతాయని భక్తుల విశ్వాసం.  ఈరోజున శివక్షేత్రాలు, పంచాక్షరీ మంత్రాన్ని జపించడం మరింత విశేషదాయకం.    ఈ పర్వదినాన పార్వతీ పరమేశ్వరులకు  కళ్యాణం జరిపించడం ఆచారం.  శివార్చన, ఉపవాసం, జాగారం శివరాత్రి నాడు చేయాల్సిన ముఖ్యమైన మూడు విధులు.  

                    మిత్రులందరికీ శివరాత్రి పర్వదినా శుభాకాంక్షలు!

Thursday 20 February 2014

నీ రూపం మహాద్భుతం !


ప్రియా...!
నీ దరహాసాలు...
జలజల రాలే సన్నజాజులు !
నీ తీపి పలుకులు...
మంచి ముత్యాల సౌందర్యాలు  !
నీ మేని సుగంధాలు...
గుభాలించే పరిమళాలు !
నీ సొగసు సోయగాలు ...
మధురమైన జ్ఞాపకాలు  !
 నీ సుందర  నామం అద్భుతం ...
నీ దివ్య రూపం మహాద్భుతం  
అందుకే...!
నా శ్వాస నిన్నే స్మరిస్తోంది...
 నీ నామమే జపిస్తోంది !

Monday 17 February 2014

ప్రేమ సుగంధం...!



చెరగని అనుబంధం 
మన ప్రేమ సుగంధం 
ఎ స్వార్థం లేని బంధం 
మన ప్రేమ బంధం 
మనిద్దరి మధ్య అనుబంధం 
కావాలి ఒక అనురాగబంధం


Sunday 16 February 2014

అహంకారం ... అనేక అనర్థాలకు మూలకారణం !




అహం, అసూయ  కలవారికి 'ఇగో' కుడా ఎక్కువే!  వారు చెప్పేదే వేదంగా ... అందరూ  పాటించాలని నిర్దేశిస్తారు.  ఇలాంటి వాళ్ళు పలు సమస్యలను ఎదుర్కోవడమే కాకుండా చుట్టుప్రక్కల వారికి కుడా అనేక  సమస్యలను తెచ్చి పెడుతుంటారు.  అసూయా ద్వేశాలనేవి మానవ ప్రగతికి అడ్డుగోలగా  నిలిచి మన అభివృద్ధికి అవరోధంగా మారతాయనే సత్యాన్ని గుర్తుంచుకోవాలి.  అహంకారం విడిచిపెట్టి చూస్తే, చుట్టూ వున్న  ఆనందం మనకు ఎంతో అందంగా కనిపిస్తుంది.  అహంకారంతో వ్యవహరిస్తే మన చుట్టూవున్న వారి ప్రేమను కోల్పోవడం  ఖాయం.  అహంకారం మనిషిని  పాతాలలొకానికి  తొక్కేస్తుంది.  అంతేకాకుండా సర్వరొగాలకు మూల కారణమవుతుంది.  దీనివల్ల మనిషి అభద్రతా భావనకు లోనయ్యే అవకాశముంది.  అలాకాకుండా ఉండాలంటే, ఆత్మపరిశీలనతో అసూయను అధికమించే ప్రయత్నం నిరంతరం కొనసాగించాలి.  మనిషిలో స్వార్థం పెరిగితే దాని ద్వారా క్రూరత్వం కుడా పుట్టుకొస్తుంది.  దాన్ని దూరం చేసుకోవాలంటే ముందుగా  స్వార్థాన్ని విడనాడాలి.  అప్పుడే మనసుకు ప్రశాంతత లభిస్తుంది.  అందుకోసం ప్రతి ఒక్కరూ అహంకారాన్నిపూర్తిగా  విడనాడాలి .... అసూయా ద్వేశాలకు చాలా దూరంగా ఉండాలి!

Monday 10 February 2014

చిన్న సినిమా... హిట్ సినిమా!

సినిమా అంటే వినోద సాధనం.  వినోదాన్ని అందించడమే ప్రధాన ధ్యేయం .  సందేశాన్ని ఇవ్వడం తర్వాతి విషయం.  ముందుగా హాస్యం అలరిస్తేనే ... ఆ తర్వాతే సందేశమైనా ప్రేక్షకులకు చేరుతుంది.  విభిన్న వర్గాల వారిని ఆకట్టు కుంటుంది.  మంచి సినిమా అంటే ఎ ఒక్క వర్గానికో, అభిమానుల కోసమో కాకుండా అందరినీ ఆకట్టుకునేలా వుండాలి. సున్నితమైన హాస్యం... శ్రావ్యమైన సంభాషణలు ...ఎప్పటికీ మరువలేని మళ్ళీ మళ్ళీ వినాలన్పించే  పాటలు ఉండాలి.  కథ కమనీయంగా ... దృశ్యాలు రమణీయంగా ఉంటే, అది మంచి సినిమా అవుతుంది.  అలాంటి సినిమాలు నేడు కాగడా పట్టి వెతికినా కనిపించవు.  మొదటి వారం 20 కోట్లు వాసులు చేసింది...  ఇదే గొప్ప చిత్రం అనే రోజులొచ్చాయి.  అదే సినిమా నాలుగో వారంలో ఎంత వసూల్ చేసిందో చెప్పరు.  నేడు నాలుగో వారంలో కుడా ప్రేక్షకులను దియేటర్ కి రప్పించే సినిమానే హిట్ సినిమా.  ఈ అవకాశం పెద్ద సినిమాలకు ఎలాగు లేదు.  ఆ దమ్ము తక్కువ బడ్జెట్ తో నిర్మిస్తున్న చిన్న సినిమాలకు వుంది.  అందుకే చిన్న సినిమాలను ప్రేక్షకులను అలరిస్తున్నాయి.  ఆ చిత్రాలు విజయం వైపు దూసుకు వెళ్తున్నాయి.  

Saturday 8 February 2014

ప్రకృతి పరవశం!

 
జనవరి నెలలో ఉదయం లేవగానే మంచు కురుస్తూ ఉంటుంది. చెట్ల ఆకుల మీద... పంటపొలాల పైన ...పుష్పాల మీద ... గడ్డి పరకల పైన హిమబిందువులు ముత్యాల్లా అలరించాయి.  నెల రోజుల పాటు మంచు బిందువుల స్పర్శకు ప్రకృతి పరవశించి పులకించి పోయింది.  పరిసరాలన్నీ తన్మయత్వంతో మధురానుభూతులను తమలో పదిలంగా నింపుకున్నాయి.  ప్రిబ్రవరి నెల రాగానే ఆ అద్భుత దృశ్య రూపం కనుమరుగవుతూ వస్తోంది.  మళ్ళీ మనం ఈ అద్భుత దృశ్యాన్ని చూడాలన్నా... ఆస్వాదించాలన్నా ఏడాది వరకు ఆగాల్సిందే!

"గుడిసెలు లేని రాష్ట్రం!


"గుడిసెలు లేని రాష్ట్రం మన రాష్ట్రం" - ఈ మధ్య  బస్సుల పైన ఈ ప్రకటన దర్శనమిచ్చింది.  కానీ , వాస్తవానికి మన రాష్ట్రంలో లక్షల్లో ఇలాంటి గుడిసెలు కనపడతాయని   ఆలస్యంగా తెలుసు కున్నారేమోగాని, ఈ ప్రకటనను కొద్ది మార్పులు చేసి మళ్ళీ ఇప్పుడు "గుడిసెలు లేని రాష్ట్రం ... అదే మన లక్ష్యం " అని ప్రచారం చేస్తున్నారు. ఈ  ప్రకటన మూడోసారి కూడా  మారవచ్చు.  ఎందుకంటే ఫుట్ ఫాత్ మీద నివాసముంటున్న ఎందరో నిరుపేదలకు కనీసం తలదాచుకోవడానికి గుడిసె కూడా లేదు పాపం 

Thursday 6 February 2014

నవ్వు... నవ్వించు!



పెనవేసుకుపోయిన బంధాలన్నీ వ్యక్తమయ్యేది పెదవుల పైన వికసించే చిరునవ్వుతొనే. మాటలతో చెప్పలేని భావాలెన్నో నవ్వులో పలికిస్తాం.  హృదయాలను పులకింపచేస్తాం.  నవ్వును అలవాటుగా మార్చుకుంటే, వ్యక్తిగత ఆందోళనలను అధికమించవచ్చు.  మంచి దృక్పథానికి నవ్వుకు మించిన సాధనం మరొకటి ఉండదు. ఒకరు నవ్వే నవ్వు ఎదుటివారి సంతోషానికి కారణమవుతుంది.  ఎక్కువగా నవ్వడం మొదలు పెడితే మన ఆరోగ్యాన్ని మెరుగు పరుచుకున్నట్లే!  ఆరోగ్య సమస్యలను సులువుగా పరిష్కరించుకోగల సామర్థ్యం పొందినట్లే!! 'హాస్యం' రోగాల బారినబారిన పడకుండా మనల్ని కాపాడే దివ్యౌషదం.  నవ్వు సర్వరోగ నివారిణి.  అందుకే ప్రతి ఒక్కరు హాస్యాన్ని ఆస్వాదించాలి... నిండు నూరేళ్ళు ఆనందంగా జీవించాలి.  


Tuesday 4 February 2014

ముందు జాగ్రత్త!


టీవిలో సీరియల్స్ లేని  సమయంలో ఇద్దరు మహిళామణులు మాట్లాడుకుంటున్నారు-
మొదటి మహిళ : మా వారికి ముందు చూపు ఎక్కువ !
రెండో మహిళ     : అయితే బాగా పొదుపు చేస్తారన్నమాట!
మొదటి మహిళ : అంతలేదు ... నాతొ గొడవ మొదలవగానే ముందు                                                  జాగ్రత్తగా హెల్మెట్ పెట్టుకుంటాడు
రెండో మహిళ     : మా వారే నయం... నాకు కోపం తెప్పించకుండా ఇంటి                                             పనులన్నీ తనే  చేసిపెడతాడు.