హైదరాబాద్, ఎస్.ఆర్ నగర్ సమీపంలోని బల్కంపేట ఓ బావిలో వెలసిన ఎల్లమ్మ అమ్మవారు భక్తులకు సర్వశుభాలను ప్రసాదిస్తున్నారు. అమ్మవారి శిరస్సు భాగం నుంచి నిత్యం జలధార ప్రవహిస్తూ ఉండటం ఇక్కడ ప్రత్యేకత. ఆ పవిత్రజలాన్నే భక్తులు తీర్థంగా స్వకరిస్తూ ఉంటారు. జలదుర్గగా పూజలందుకుంటున్న అమ్మవారిని బల్కంపేట ఎల్లమ్మగానూ, రేణుకా ఎల్లమ్మగాను పిలుస్తుంటారు. ఎల్లమ్మకు ప్రీతిపాత్రమైన ఆది, మంగళ, గురువారాల్లో భక్తులు అధికసంఖ్యలో ఈ క్షేత్రాన్ని సందర్శించి మొక్కులు చెల్లించుకోవడం ఆనవాయితి.
