బాల్యస్మృతులు !

జీవితంలో మధురమైన ఆణిముత్యాలు
మళ్ళీ మళ్ళీ తిరిగిరాని మధుర జ్ఞాపకాలు
చిన్ననాటి కమనీయమైన తీపి గురుతులు !
అమ్మా-నాన్న బొమ్మలాటలు ...
చెడుగుడు... గోళీలాటలు...
కర్రా బిల్ల ...బొంగరాలు ...
కోతికొమ్మచ్చి..కాగితాల పడవలు ...
బిళ్ళాగోడు ...పీచుమిఠాయిలు...
గుడిలో ప్రసాదానికి తోపులాటలు ...
తూనీగల వెంటపడే తుంటరి తనాలు ...
జామ , మామిడికాయల దొంగతనాలు ...
ఇవన్నీ చిన్ననాటి చిలిపి చేష్టలు
స్వచ్చమైన అపురూప సౌరభాలు
మరువలేని మరుపురాని బాల్యస్మృతులు !