ప్రకృతి రమణీయ శోభతో
పచ్చదనం శోభాయమానంగా
పరవళ్ళు తొక్కుతూ
మల్లెల సౌరభాలను మోసుకుంటూ
వచ్చింది ఆమని వయ్యారంగా...
తెచ్చింది అద్భుత వరాలను రమణీయంగా...
మావి చివురు తిన్న
కోయిలమ్మ మనోహరంగా కూస్తుంటే,
పిల్లగాలుల సుమధుర స్వరాలకు
గండు తుమ్మెద నాదం ఝుమంది
ప్రతి చేట్టులోను ఉల్లాసం
ప్రతి హరితలో పరవశం
ఎటు చూసినా పూల సోయగాలు
వాటి ఘుమఘుమలు
వీటిని అపురూపంగా ఆస్వాదిస్తూ
ఆమని హాయిగా రాగాలు ఆలపిస్తుంటే---
కొత్త పెళ్లి కూతురులా ముస్తాబై
అరమరికలు లేని పలకరింపులతో
ఉత్సాహంగా... వచ్చింది వసంతం
అందరిలోనింపింది నూతన ఉత్తేజం!
