”శోధిని”

Monday 10 August 2015

'' గర్వం"



కులమత గర్వం కొందరిది
ధన అహంకారం మరికొందరిది
ఒకరు ముందు, మరొకరు వెనుక
అందరూ ఏదోకరోజు
మట్టిలో కలిసిపోయే వాళ్ళమే !
ఎందుకీ  కులమత  ధనఅహంకారాలు  ?
కులమతాలు చూడకుండా
చెట్లు అందరికీ నీడనిస్తున్నాయి
నదులు దాహార్తిని తీరుస్తున్నాయి 
మన నుండి ఏదీ ఆశించని గోమాతలు
అమృతతుల్యమైన  క్షీరాన్ని అందిస్తున్నాయి
మనం తినే ఆహారం, పీల్చే గాలి, తాగే నీరు
అన్నీ ప్రకృతి అందిస్తున్న  సేవలే !
పంచభూతాలకు లేని వ్యత్యాసాలు 
మధ్యలోపోయే మనుష్యులకెందుకో !