సీతారాముల కల్యాణం కమనీయం, రమణీయం

తల్లిదండ్రుల మాట జవదాటని తనయుడిగా, సత్యవాక్పరిపాలకుడిగా, ప్రజలను కంటికి రెప్పలా కాపాడే ధర్మ ప్రభువుగా అందరి మన్నలను పొందిన   శ్రీరామచంద్రుడు  ఎంతో మహాన్నతుడు.  తమ్ముళ్ళ పట్ల ప్రేమానురాగాలు, భర్యాభార్తల మధ్య ఉండవలసిన అనురాగం, ఆప్యాయతలు,  పిల్లల పట్ల తండ్రి బాధ్యత మొదలైనవన్నీ తాను ఆచరించి లోకానికి తెలియజెప్పిన ఆదర్శముర్తి శ్రీరాముడు.  రామబాణం రక్షిస్తుంది... రామహస్తం దీవిస్తుంది... రామ పాదం నడిపిస్తుంది...రామమంత్రం సుఖశాంతులను అందిస్తుంది. రామ నామం మధురం... మధురాతి మధురం.  సీతారాముల కల్యాణం కమనీయం, రమణీయం…. సర్వజనులకు ఆనందదాయకం.  శ్రీరామచంద్రుడి జన్మదినం లోకానికంతటికీ పర్వదినం.   

"ఉగాది ఉషోదయం"

వసంతోత్సవం

వసంత ఋతువు ఆగమనాన్ని పురష్కరించుకొని పిల్లలు, పెద్దలు ఆనందోత్సాలతో... ఆహ్లాదంగా జరుపుకునే సరదా పండుగ హోలి.  వసంత వేల ప్రకృతిలోని అనేక రంగుల పూలతో మమేకమయ్యే రోజు హోలి పూర్ణమి.  సంప్రదాయ బద్దమైన రంగుల పండుగ కాబట్టి,  రకరకాల పూలతో తయారు చేసుకున్న రంగులతోనే రంగులు చల్లుకుని, కేరింతలతో, ఆటపాటలతో ఆనందంగా హోలి జరుపుకోవడం ఉత్తమం. 

                        అందరికీ హోలీ శుభాకాంక్షలు!

జలదుర్గ

హైదరాబాద్, ఎస్.ఆర్ నగర్ సమీపంలోని బల్కంపేట  ఓ బావిలో వెలసిన   ఎల్లమ్మ అమ్మవారు భక్తులకు సర్వశుభాలను ప్రసాదిస్తున్నారు. అమ్మవారి శిరస్సు భాగం నుంచి నిత్యం జలధార ప్రవహిస్తూ ఉండటం ఇక్కడ ప్రత్యేకత.  ఆ పవిత్రజలాన్నే భక్తులు తీర్థంగా స్వకరిస్తూ ఉంటారు.   జలదుర్గగా పూజలందుకుంటున్న అమ్మవారిని  బల్కంపేట ఎల్లమ్మగానూ, రేణుకా ఎల్లమ్మగాను పిలుస్తుంటారు.     ఎల్లమ్మకు ప్రీతిపాత్రమైన ఆది, మంగళ, గురువారాల్లో భక్తులు అధికసంఖ్యలో ఈ క్షేత్రాన్ని సందర్శించి మొక్కులు చెల్లించుకోవడం ఆనవాయితి. 

విషపురుగులు

                                         

మానవత్వం

పరమ పవిత్రమైన రోజు ...మహాశివరాత్రి.

అఖిల భక్తకోటికి పరమ పవిత్రమైన రోజు ...మహాశివరాత్రి.  పగలంతా ఉపవాసం, రాత్రంతా జాగారం, రోజంతా శివనామస్మరణం.     శివుడిని ప్రసన్నం చూసుకోవడానికి మంత్రాలు, స్తోత్రాలు చదవాల్సిన అవసరం లేదు.  'ఓం నమశ్శివాయ' అంటూ కాసిన్ని శుద్ధజాలాలు శివలింగానికి సమర్పించినా,  శివుడు మురిసిపోయి ముక్తిని ప్రసాదిస్తాడు.  పూజాసమయంలో తెలిసీతెలియక చేసిన అపరాధాలను మన్నించమని వేడుకుంటే చాలు ఆయన పెద్ద మనసుతో  మన్నిస్తాడు.  నిర్మలమైన హృదయంతో మారేడుదళాలను, ధూపదీప నైవేద్యాలను, తాంబూల దక్షిణలను, ఫలాలను పూజ సందర్భంగా సమర్పిస్తే చాలు ఆయన  కరుణ లభిస్తుంది.