మార్గదర్శకం !

అమ్మ మనసు...

మల్లెలంత తెల్లదనం !

నాన్న హృదయం...

వెన్నెలంత చల్లదనం !

అమ్మ మమకారం...

నాన్న సహకారం !

అమ్మ త్యాగం...

నాన్న అభయం !

తల్లి దీవెన...

తండ్రి ఆదరణ !

అమ్మ తోడు...

నాన్న నీడ !

అమ్మతో  సమానంగా

ప్రేమను పంచే  ఆదర్శముర్తి నాన్న!

బిడ్డలకు మార్గదర్శకం నాన్న !!

యోగామృతం !

'యోగ' అనేది ఏ మతానికో, సంస్కృతికో సంబంధించింది కాదు.  ఇది  సర్వజనుల శరీర ఆరోగ్యానికి సంబందించినది.  మనిషి ఒత్తడిని తగ్గించి, శరీరానికి, మనసుకు  అవసరమైన ప్రశాంతతను అందించే సంజీవిని.  ప్రకాశవంతమైన ప్రేమకాంతిని వెదజల్లి, వ్యక్తి చుట్టూ ప్రశాంతమైన, పరిపూర్ణమైన వాతావరణాన్ని కలిగించే అమృతవాహిని.  అంతేకాకుండా  అసూయ, ద్వేషం, భయం, శోకం, దుఃఖం వంటి మానసిక ఆందోళనలను తగ్గించి  కుళ్ళు,  కుతంత్రాలను దూరం చేసే సంపూర్ణ ఆరోద్యప్రదాయిని.  శరీరాన్ని తేలిక పరచి జీవనశైలిలో మంచి మార్పును తీసుకొచ్చి, అనేక రుగ్మతలకు పరిష్కారం చూపే   గొప్ప సాధనం 'యోగ'.

అభయ హస్తం !

కమ్మని మట్టి పరిమళాలు !

నింగి నిండా మేఘమాలికలు

కమ్ముకోగా మెరిసింది మెరుపు

ఆహ్లాదకరమైన చల్లని గాలులు
ప్రకృతి అంతా విస్తరించగా ...
వెలసింది సప్తవర్ణాల హరివిల్లు !
ఆ అపురూప దృశ్యాన్ని చూసి
దేవతలు అక్షింతలు చల్లి దీవించినట్లు
నింగి నేలను కలుపుతూ...
కురిశాయి తొలకరిజల్లులు !
పుడమితల్లి ఆనందంతో పులకించి
మట్టి పరిమళాలను వెదజల్లగా ...
కమ్మని వాసన పరిసరాలను
మురిపించింది ...మైమరపించింది!

ముసుగు దొంగలు (జోక్)

మంత్రిగారి భార్య  తన భర్తతో కలసి న్యూస్ ఛానల్ చూస్తోంది.
బ్యాంక్ చోరి కేసు నిందుతులకు ముసుగేసి మీడియా సమావేశంలో ప్రవేశ పెట్టారు పోలీసులు.
మంత్రి గారి భార్య : ఏమండీ నాదొక అనుమానం
మంత్రి : ఏమిటది ?
మంత్రిగారి భార్య : పట్టుపడ్డ దొంగలకు ఇలా ముసుగేసి చూపించడం ఎందుకని ?
మంత్రి  : "పిచ్చి మొహమా ... పూర్వం నాకు కూడా ఇలాగే ముసుగేసి తీసుకెళ్ళారు కాబట్టి, ఇప్పుడు మంత్రినయినా  నన్నెవరూ గుర్తుపట్టడం లేదు"  అసలు విషయం చెప్పాడు మంత్రిగారు.

పంచభూత లింగాలు !

పంచభూతాత్మక స్వరూపుడు పరమశివుడు.   పంచలింగ ప్రతీకలే పంచభూత లింగాలు.  కంచిలో స్వామి పృధ్వీలింగ రూపంలో,  తిరువన్నామలైలో అరుణాచలేశ్వరుడు అగ్నికి ప్రతీకగా,  జంబుకేశ్వరంలో జలలింగంగా, శ్రీకాళహస్తిలో వాయులింగంగా, చిదంబరంలో ఆకాశలింగంగా మహాశివుడు పూజలు  అందుకుంటున్నాడు.  దోసెడు నీళ్ళతో అభిషేకం ...చిటెకెడు బూడిద అలంకారం ...శంభో శంకర అంటే చాలు, అంతకు మించి ఏమి కోరుకోని భోళాశంకరుడు ఆయన.    

పర్యావరణ పరిరక్షణ ...ప్రగతికి సోపానం !

పర్యావరణాన్ని పరిరక్షించాలంటే...  మనసున్న ప్రతి ఒక్కరూ ప్రకృతితో యుద్ధం చేయడం ఆపి సహజీవనం చేయాలి. పర్యావరణాన్ని కాపాడుకోవడానికి భాద్యతగా మందుకు రావాలి.    కొండలను పిండి చేయడం మానుకోవాలి.  నదులను స్వేచ్చగా పారనివ్వాలి.  అడవులను  నాశనం చేయడం ఆపాలి.  జంతువులను స్వేచ్చగా తిరగనివ్వాలి.  మొక్కలను నాటి పరిసరాలంతటా పచ్చదనాన్ని  నింపాలి.  నింగి నుండి రాలే ప్రతి నీటి బొట్టును పుడమిలో భద్రంగా దాచాలి.  పర్యావరణానికి ముప్పు వాటిల్లినప్పుడు అకాలవర్షలు అతలాకుతలం చేస్తాయి.  మండే ఎండలు మనుషుల్ని మాడ్చేస్తాయి. కొత్త కొత్త వ్యాధులు పుట్టుకొస్తాయి.  ఋతుపవనాలు గతి తప్పి భూగోళం వేడెక్కుతుంది.  ఇప్పుడయినా  మనిషి మేల్కొనక పొతే రాబోయే  రోజుల్లో మనిషి మనుగడ అసాధ్యం.  రాబోవు తరాల వారిని దృష్టిలో పెట్టుకొని  వారి క్షేమం కోసం హరిత ప్రకృతిని కాపాడుదాం.