"ప్రేమను ప్రేమించు...ప్రేమకై!"

"ప్రేమను ప్రేమించు...ప్రేమకై!" సభ్యుల గ్రూప్ ఫోటో 

అపార్ట్ మెంట్లో అగ్ని ప్రమాదాలు.

 

        గత నెల నవంబర్ హైదరాబాద్, మణికొండలో ఒక సీరియల్ చిత్రీకరణ కోసం వేసిన షెడ్ లో అగ్ని ప్రమాదం సంభవించింది. తర్వాత పక్కనే ఉన్న 'బాబా నివాస్ అపార్ట్ మెంట్' కు మంటలు అంటుకోవడంతో ఓ పసికందువు తో పాటు ఆరు నిండు ప్రాణాలు బలై పోవడం జరిగింది.  ఎంతకీ షెడ్ నుంచి అపార్ట్ మెంట్ కు మంటలు ఎలా వ్యాపించాయంటే...అపార్ట్ మెంట్లో ఆరవేసిన దుస్తులు అంటుకోవడంతో అపార్ట్మెంట్ కు మంటలు వ్యాపించడం జరిగిందట.  లక్షల రూపాయలను పోగు చేసి ఫ్లాట్ ను కొంటారు. తన  ఫ్లాట్ ను ఎలా చూసుకుంటారో  అదేవిదంగా  అపార్ట్ మెంట్ ను కుడా జాగ్రత్తగా కాపాడుకోవాలి. ఏమాత్రం నిర్లక్షంగా ఉన్నా తర్వాత భారీ మూల్యం చెల్లించుకోవాల్సి ఉంటుంది. ఒకరి నిర్లక్షం కారణంగా మొత్తం అపార్ట్ మెంట్ వాసులు నష్టపోయారు.  అపార్ట్ మెంట్ అన్నాక అందులో నివసించే ప్రతి ఒక్కరికి  భాద్యత ఉంటుందని మరవద్దు.

ఆన్ లైన్ కవులు

 

"ప్రేమను ప్రేమించు... ప్రేమకై!" సభ్యుల మొదటి వసంతం 08-12-12 తేదిన 'అలంకృత రిసార్ట్' లో  కన్నులపండుగగా జరిగింది.  ఈ కార్యక్రమాన్ని చక్కగా నిర్వహించిన కవిత గారికి, వాసుదేవ్ గారికి, శ్రీనివాస్ (శ్రీ) గారికి, అందుకు సహకరించిన సభ్యులందరికీ ప్రత్యేక అభినందనలు. 

వలపుబాణాలు...!

 

నీ సోగకనులు...
మెరిసే నక్షత్రాలు...
నీ ఓరచూపులు...
మదిని గుచ్చే వలపుబాణాలు...!

 (ఈనాడు ఈతరం శీర్షికలోని చిత్రానికి నా స్పందన)

ప్రేమంటే....?

 

ప్రేమంటే....? వికసించే పుష్పం...  విరజిమ్మే సుగంధం...  కురిసే మమకారం...  విరిసే అనురాగం...  మురిపించే తీయని రాగం... మైమరపించే కమ్మనిభావం...  మాటల మకరందం...  గాన మాధుర్యం...  అంతే కాదు! ఆత్మీయతల నిధి...  అనురాగాల సన్నిధి...  ఆప్యాయతల పెన్నిధి...  అందుకే...! ప్రేమను ప్రేమించు  ప్రేమకోసం జీవించు.

మెడలో ఆభరణంలా....

రాకుమారుడిలా ఉహల్లో కదిలావు 
కస్తూరి తిలకంలా నుదుటున నిలిచావు 
కంటిపాపలా కళ్ళల్లో మెరిశావు 
ఆభరణంలా మెడలో ఒదిగావు 

(ఈనాడు ఈతరం శీర్షికలోని చిత్రానికి నా స్పందన)

నీ రూపం అపురూపం!

ఉషోదయాన కురిసే 
తుషార బిందువులా...
పున్నమినాడు  విరిసే 
వెన్నెల  జల్లులా...
తామరాకుపై నర్తించే 
నీటి బిందువులా...
నీ రూపం అపురూపం!
ప్రకృతికి ప్రతిరూపం!!