స్వార్థం !

అనాధుల పాలిట ఆపద్భాందవులు !

కనిపెంచిన తల్లిదండ్రులను నిర్ధాక్షిణంగా ఇంటినుంచి తరిమేస్తున్న కొడుకులు కొందరైతే, కన్నపేగును తెంచుకొని పుట్టిన  బిడ్డల్ని అనాధలుగా రోడ్డుపై వదిలేస్తున్న తల్లిదండ్రులు మరికొందరు. ఇతర ప్రాంతాల నుంచి పిల్లలను తీసుకొచ్చి పట్టణాలలో వదిలేసేవారు ఇంకొందరు. ఇలా తమ పేగుబంధాన్ని దూరం చేసుకుంటున్న ఈ రోజుల్లో అనాధుల పాలిట ఆపద్భాందవులు, మానవత్వం ఉన్న మనుష్యులు ఇంకా ఉన్నారని 'ఆపన్న హస్తాలు' ముఖపుస్తకం ద్వారా కొందరు మిత్రులు తెలియజేస్తున్నారు.   ప్రతి నెలా తమ సంపాదనలో కొంత డబ్బు కనీసం వంద రూపాయలు తగ్గకుండా అనాధుల కోసం కేటాయిస్తూ ఉడతాభక్తితో సమర్పించుకుంటున్నారు. వారందరికీ కృతఙ్ఞతలు తెలియజేసుకుంటున్నాను.

మదినిండా ...మువ్వన్నెల జెండా!

 నెత్తురు మడుగులో దొర్లుకుంటూ...

ఊపిరి ఉన్నత వరకు శత్రువులతో పోరాడి

మనకోసం అమరులైన వీరులకు జోహార్లు !

వారి త్యాగాన్ని తలుచుకుంటూ...

త్రివర్ణ పతకాన్ని ఎగురవేద్దాం!!

మనకోసం నిరంతరం శ్రమిస్తున్న

వీరజవానులకు అండగా నిలుద్దాం !!!

మన సంస్కృతి, సంప్రదాయం !

వానొచ్చింది !

'' గర్వం"

కులమత గర్వం కొందరిది

ధన అహంకారం మరికొందరిది

ఒకరు ముందు, మరొకరు వెనుక

అందరూ ఏదోకరోజు

మట్టిలో కలిసిపోయే వాళ్ళమే !

ఎందుకీ  కులమత  ధనఅహంకారాలు  ?

కులమతాలు చూడకుండా

చెట్లు అందరికీ నీడనిస్తున్నాయి

నదులు దాహార్తిని తీరుస్తున్నాయి 

మన నుండి ఏదీ ఆశించని గోమాతలు

అమృతతుల్యమైన  క్షీరాన్ని అందిస్తున్నాయి

మనం తినే ఆహారం, పీల్చే గాలి, తాగే నీరు

అన్నీ ప్రకృతి అందిస్తున్న  సేవలే !

పంచభూతాలకు లేని ఈ వ్యత్యాసాలు 

మధ్యలోపోయే మనుష్యులకెందుకో !

నక్కజిత్తులు !

లోకం ముందు నక్కజిత్తులు 
ఎన్నివేశాలు వేసినా ..
ఎప్పుడో ఒకప్పుడు
వారి బండారం బయటపడుతుంది 
వ్యక్తుల గుండెల్లో 
నిజాయితీ ఉంటే ...
ఆలస్యంగా నైనా
వాళ్ల వ్యక్తిత్వం ఆకట్టుకుంటుంది.
నమ్మబలకడం 
అవకాశవాదుల నైజం !
మోసపోవడం 
అమాయకుల తత్వం !!