జ్ఞాపకాలు

శూన్యమై మిగిలిన 

నా జీవితంలో 

వెన్నెల దీపాలు 

వెలిగిస్తావనుకున్నాను 

కానీ----

ఆజీవితాన్నేచీకటిగా మార్చి

అందులో నన్ను బంధిస్తావనుకోలేదు

తుషార ఉదయంలాంటి 

నీ ప్రేమజల్లులో 

తడిసి పులకించి పోవాలనుకున్నాను

కానీ---

ఆప్రేమనే నువ్వు  తుపానుగా మార్చి 

సునామీ సృస్టిస్తావని

ఉహించలేదు 

ప్రియా---

నీ జ్ఞాపకాల వెల్లువలో 

నేనొక ఎగసిపడే 

కెరటానయ్యాను 

నీవులేని ఈ మనుగడకు 

నీ జ్ఞాపకాలే చాలు కడవరకు

కవితలు

నీకోసం 

స్వాతి చినుకు కోసం 

ఆర్తిగా చూసే 

ముత్యపు చిప్పలా

వసంతకాలం కోసం

ఆశగా చూసే

కోయిలలా 

రవికిరణం కోసం

కోరికగా చూసే

కమలంలా

కళ్ళనిండా 

నీరుపాన్నినింపుకుని 

మదినిండిన అనుభూతులతో 

అనుక్షణం తపిస్తున్నా

నీకోసమే జీవిస్తున్నా

********************

ప్రజలు

ప్రశ్నించడం 

మరచిపోయారు 

నిలదీయటం 

మానేసారు 

చెయ్యిచాపిన

అధికారికి 

అందించడం 

నేర్చుకున్నారు 

*******************

మన నేత 

ఎన్నికలముందు 

పున్నమి చంద్రుడిలా 

చల్లని వరాలు 

కురిపించేవాడు 

ఎన్నికల తర్వాత 

ఎండాకాలం సూర్యుడిలా 

ముచ్చెమటలు పట్టించేవాడు 

హైకూలు

హైకూలు

నిన్ను చూసింది 

ఒక్క క్షణం 

తపిస్తున్నాఅనుక్షణం 

***************

ఒక్కటే బల్బ్ 

జగమంతా వెలుగు 

నిండు చంద్రుడు 

***************

చీకటిలో 

వెతుకుతున్నా

వెలుగులా వస్తావని 

***************

రోడ్డున పడ్డారు 

త్వరలో 

ఉపఎన్నికల కోలాహం 

***************