మూడో జ్యోర్లింగం

ఉజ్జయిని మహాకాళేశ్వరలింగంగా  ప్రసిద్ధమైనది మూడో జ్యోర్లింగం.   ఈనాటి ఉజ్జయిని ప్రాచీన నామం అవంతి.  మహాభక్తుడైన మార్కOడేయుణ్ణి రక్షించడానికి కాలుడైన యముణ్ణి సంహరించిన శివుడు ఇక్కడ మహాకాళుడు అయినాడట.  కాశి దాసాది మహాకవులు, ఆదిశంకరుల వంటి ఆచార్యులు స్వామి అనుగ్రహాన్ని పొందిన ఈ క్షేత్రం మధ్యప్రదేశ్ లో ఉంది.  ఈ క్షేత్రంలో స్వామి ముక్తిప్రదుడు.  అకాలమృత్యువు నుండి రక్షిస్తాడట.  

నేడు లష్కర్ ( సికింద్రాబాద్ ) బోనాల జాతర

జంటనగరాలలో బోనాల జాతర అంగరంగ వైభవంగా ప్రారంభంకావడంతో ఎటుచూసినా ఆధ్యాత్మికశోభ వెళ్లివిరుస్తోంది. తొలిజాతర గోల్కొండలో సంప్రదాయబద్ధంగా జరిగింది.  ఇప్పుడు రెండో జాతర 'లష్కర్  బోనాల జాతర' ప్రారంభమైనది. శివతత్తుల  శివాలు, డప్పువాయిద్యాలు, పోతరాజుల విన్యాసాలు, తొట్టెల ఊరేగింపులు, దేవతామూర్తుల వేషధారణలతో తెలంగాణ సాంస్కృతిక వైభవాన్ని చాటుతున్నారు.  ఈ నెలంతా అమ్మవారి దేవాలయాలన్నీ శోభాయమానంగా అలంకరిస్తారు.   అడుగడుగునా భక్తజనం ఆనందపారవశ్యంతో మునిగితేలుతుంది.  ఆషాఢమాసంలో మహంకాళి అమ్మవారిని గ్రామదేవతలుగా ఎల్లమ్మ, మైసమ్మ, పోచమ్మ, పోలేరమ్మ, మారెమ్మ, ముత్యాలమ్మ, అని అనేక పేర్లతో భక్తిశ్రద్ధలతో పూజలు చేస్తారు.  బోనం సమర్పించి మొక్కులు చెల్లించుకుంటారు.  అమ్మవారికి తోడుగా గ్రామాన్ని కాపాడే పోతరాజు కూడా  ఈ పూజలు అందుకోవడం విశేషం. 

రెండవ జ్యోతిర్లింగం ‘మల్లికార్జున మహాలింగం’

మల్లికార్జున మహాలింగం నవ్యాంద్రప్రదేశ్ లోని కర్నూలు జిల్లా శ్రీశైలంలో ఉంది.  ‘శ్రీశైలం’ భూమికి కేంద్రబిందువుగా సంకల్పం చెప్పుకుంటాం.  మల్లికార్జున మహాలింగ దర్శనం  సర్వపాపాలను పోగొడతాయంటారు.  అంతేకాదు శ్రీశైల శిఖరాన్ని చూస్తే పునర్జన్మ కూడా ఉండదంటారు.  చంద్రావతి అనే భక్తురాలు శ్రీపర్వతంపై తపస్సు చేసింది.  పరమేశ్వరుడు ప్రత్యక్షమై వరం కోరుకోమన్నాడట.  తాను అల్లిన మల్లెపూలదండను శిరస్సున గంగలాగ ధరించమని కోరిందట.  అందుకు శివుడు అంగీకరించి మల్లెపూలదండను శిరస్సుపై ధరించి మల్లికార్జునుడు అయినాడు.  భ్రమరాంబ సమేతుడై లోకరక్షణ చేస్తున్నాడు. 

తులసి మంచి ఔషదం

మనం పవిత్రంగా భావించి పూజించే తులసి చెట్టులో ఎన్నో ఔషద గుణాలు దాగి ఉన్నాయి. తులసిని ఎలా తీసుకున్నా శరీరం మీద, మనసుమీద మంచి ఫలితాలను చూపిస్తుంది. గొంతు, నరాలు, ఊపిరితిత్తులు, లివర్, కిడ్నీలకు సంబంధించిన వ్యాధులలో తులసి మంచి ఫలితాలనిస్తుంది. రామతులసి, లక్ష్మితులసి, కృష్ణతులసి ఇలా పేర్లు వేరైనా అన్నీ తులసి మొక్కలలో ఒకే రకమైన ఔషద గుణాలుంటాయి. ఆరోగ్యపరంగా, ఆద్యాత్మికంగా తులసి మను ఉపయోగపడుతుంది. ఇంకెందుకు ఆలస్యం తులసిని వాడండి...ఆరోగ్యంగా ఉండండి.

కాలుష్యం

అనురాగ శివుడు

బంధాల విలువ తెలిసిన భర్త...బాధ్యతగల తండ్రి. ఈ సుగుణాలు మూర్తీభవించిన దేవుడు మహాశివుడు. శివతత్వం అంటే ప్రేమతత్వమే! ఆ ప్రేమకు శరతుల్లేవు పరిమితుల్లేవు. ధనిక, పేదా తేడాలు అసలే ఉండవు. మిత్రుడయినా, శత్రువైనా...గొప్పవాడయీనా, సమాన్యుడయినా శివుడు దృష్టిలో అందరూ సమానమే. సర్వసృష్టి సమానత్వం శివతత్వంలో భాగమే! భరత ఖండంలో పన్నెండు క్షేత్రాలలో జ్యోతిర్లింగ రూపంగా పరమేశ్వరుడు ఆవిర్భవించాడు. లక్షలాది శివాలయాలల్లో, శైవక్షేత్రాలలో స్వామి లింగరూపంలో అనుగ్రహిస్తున్నా.. ఈ పన్నెండు క్షేత్రాల్లోని లింగరూపాలలో నిక్షిప్తమైన జ్యోతిదర్శనం వలన భక్తులకు ప్రత్యేకమైన ప్రయోజనాలు నెరవేరతాయంటారు. భారతదేశం నాలుగుదిక్కులా ఉన్న ద్వాదశ జ్యోతిర్లింగాలను దర్శిస్తే, మొత్తం దేశాన్ని చూసినంత భాగ్యం కలుగుతుందంట. సోమనాథ, మల్లికార్జున, మహాకాల, ఓంకార, కేదారేశ్వర, భీమశంకర, విశ్వేశ్వర, త్ర్యంబకేశ్వర, వైద్యనాతేశ్వర, నాగేశ్వర, రామేశ్వర, ఘ్రుష్టేశ్వర జ్యోతిర్లింగాలను ఇదే వరుసలో దర్శించాలంటారు.

చినుకు చిందేసింది.

ఎట్టకేలకు ఊరిస్తూ వస్తున్న చినుకు రాలింది. చిలిపితనంతో సవ్వడిచేస్తూ నేలతల్లికి మట్టి సుగంధ పరిమళాన్ని అద్దింది. పరిసరాలన్నీ నిలువెల్లా తడుస్తూ పరవసించిపోతున్నాయి. చిటపటచినుకులు పడుతుంటే పుడమితల్లి పులకించింది. మేనుపై జాలువారే వాన చినుకులకు చిన్నారి మనసులు పరవశించి చిందేశాయి.  చిరుజల్లులు కురిసిన  అనంతరం  ఒక్కసారిగా వాతావరణం ఆహ్లాదంగా మారిపోయింది.

నవ్వుతూ బతకాలిరా...

మానవులకు దేవుడిచ్చిన అపురూపమైన గొప్ప వరం ‘నవ్వు’. ఈ భాగ్యం మానవాళికి మాత్రమే దక్కింది. హాయిగా నవ్వడం వల్ల లెక్కలేనన్ని ప్రయోజనాలున్నాయి. మనసారా నవ్వితే ఆయువు పెరుగుతుంది. శారీరక ఆరోగ్యం చేకూరుతుంది. చలాకీగా ఉండటంతో ఒత్తుళ్ళు దరిచేరవు. ప్రతి రోజు కనీసం 20నిమిషాలు నవ్వితే వ్యాధి నిరోధక శక్తి పెరుగుతుంది. నవ్వటం వల్ల శరీరానికి, మనసుకు ఎంతో మేలు కలుగుతుంది. శరీరంలో పేరుకు పోయిన మలినాలన్నిటినీ తొలగించ గలుగుతుంది. హాయిగా నవ్వగలిగిన వారి ముఖంలో ప్రశాంతత వస్తుంది.... ముఖం కళగా తయారవుతుంది. మానసిక ఆందోళనను మటుమాయం చేసి మనస్సును ప్రశాంతంగా వుంచుతుంది. అంతేకాదు శత్రువులను కుడా మిత్రులుగా మార్చే గుణం ఈ నవ్వుకి వుంది. అవకాశం వచ్చినప్పుడల్లా హాయిగా నవ్వి చూడండి... మీకు తెలియకుండానే అధిక రక్తపోటు అదుపు లేకి వస్తుంది. గుండె జబ్బులు దూరం అవుతాయి. మనుషల మధ్య నవ్వులు విరబూసి ఆనందాన్ని పంచుకుంటే బంధాలు బలపడతాయి. ఇన్ని ప్రయోజనాలున్న నవ్వుకు దూరమవ్వడమంటే అనారోగ్యాన్ని కొని తెచ్చుకోవడమే అవుతుంది.