మన తెలుగు సినిమాలు రోజు రోజుకు మరీ దారుణంగా తయారవుతున్నాయి. కథలో దమ్ము లేక పోయినా, బూతు మాటలనే నమ్ముకుని సినిమాలు తీస్తున్నారు. ఈ మధ్య వస్తున్న తెలుగు చిత్రాల నిండా బూతు డైలాగులే వినిపిస్తున్నాయి. టీనేజ్ కుర్రాళ్ళను థియేటర్ కి రప్పించడానికి బూతు డైలాగులను ఎరగా వాడుతున్నారు. ఒక సినిమాలో అయితే చివరికి ముత్ర విసర్జన సన్నివేశాలకు కూడా చెత్త డైలాగులను వాడి తెలుగు సినీ పరిశ్రమను భ్రష్టు పట్టించారు. ఈ చెత్త మాటలు రాసే రచయితలు కాస్త సమాజాన్ని దృష్టిలో పెట్టుకుని రాస్తే బాగుంటుంది. సినీ రచయితలు రాసే డైలాగులు 'నీ యంకమ్మ' తో మొదలై, 'దొబ్బింది' అనే బూతు డైలాగ్ తో తారా స్థాయికి వెళ్ళాయి. ఈ అశ్లీల, బూతు డైలాగులు నేటి యువతీ యువకుల నోట 'ఊతపదాలు' గా మారడం మన దౌర్భాగ్యం.
2 comments:
మన చాలా తెలుగు సినిమాలు పరమ నీచాభిరుచితో సంస్కారరహితులు డబ్బు చేసుకోవడమే పరమార్థంగా గుడ్డెద్దు చేలోపడ్డట్లు వెర్రిమొర్రి సంభాషణలతో పిచ్చిపిచ్చిగా రెచ్చిపోయి కొవ్వెక్కి తీస్తున్నారు!ఇలాంటి సినిమాలను యువత ఎగబడి వెళ్ళి చలన చిత్రశాలల్లో చూసి ప్రోత్సహించకూడదు!మన సినిమాల ఆరోగ్యం రోజురోజుకూ చెడిపోతోంది!కాయల నాగేంద్ర గారి ఆవేదన సహేతుకమే!!!
మీ స్పందనకు ధన్యవాదాలు సూర్య ప్రకాష్ గారు!
Post a Comment