నేస్తం... నేవ్వే సమస్తం!

మనకో మంచి స్నేహితుడు కావాలంటే, ముందుగా మనం మంచి స్నేహితుడిగా మారాలి. మనం వారిని అర్థం చేసుకోగలిగితే స్నేహం చిరకాలం ఉంటుంది.  స్నేహం కలకాలం సాగాలంటే చిత్తశుద్ధి, నిజాయితీ, నిబద్ధత  అవసరం. మనసారా, మనస్పూర్తిగా స్నేహం చేసినప్పుడే ఆ స్నేహం మంచి పరిమళాలు వెదజల్లుతూ స్నేహ కుసుమాలను వికసింపజేస్తుంది.  నిజమైన స్నేహితులు ఎన్ని గొడవలు జరిగినా,ఎన్ని ఆపదలు వచ్చినా మళ్ళీ కలిసిపోతారు . అలాంటివారు కలసి చివరిదాకా స్నేహితులుగా మిగిలిపొతారు. అవసరం కోసం వాడుకొనేవాడు నిజమైన స్నేహితుడు కాలేడు.  అలాంటివాళ్ళు మనతో కొంత దూరమే పయనించి తర్వాత విడిపోతారు. స్నేహితుడంటే మన కోసం తన జీవితాన్ని త్యాగం చేయిగలిగే మనస్సు ఉంటె చాలు. కాని, ఈ లోకంలో ఎక్కడో వేలల్లో ఒకరు ఇలాంటి స్నేహితుడు ఉంటారు.  అలాంటి  మంచి స్నేహితుడు ఒక్కరు దొరికినా చాలు జీవితం ఆనందమయం అవుతుంది. ఇలాంటి స్నేహితుల్ని సంపాదించు కోగలిగిన వారు చాలా అదృష్టవంతులు.