"నాన్నగారు"

కుటుంబ సౌఖ్యం కోసం ...

ఇంట బయటా నిరంతరం 

పోరాడే నిస్వార్థయోధుడు  నాన్న!

బిడ్డల భవిష్యత్తు కోసం ..

ఒక సైనికుడిలా అహర్నిశలు శ్రమిస్తూ ...

తాను కొవ్వొత్తయి కరిగిపోతూ ...

నిత్యం వెలుగునిచ్చేవాడు నాన్న!

ఇంటిని, కుటుంబసభ్యులందరినీ 

ఒంటి స్తంభంలా మోసేవాడు నాన్న!

సినారె గారికి అశ్రునివాలి.

ప్రముఖ సాహితీ దిగ్గజం , మాహాకవి, జ్ఞానపీఠ అవార్డు గ్రహీత  డా. సి. నారాయణ రెడ్డి గారి మరణం తెలుగుభాషకు తీరని లోటు.  సినారె గారికి అశ్రునివాలి.

"అందమైన పువ్వులు ...అమ్మాయి నవ్వులు "

అమ్మాయి నవ్వితే మనకో ఆనందం. ఆమె అందంగా లక్ష్మిదేవిలా నడుస్తుంటే మనకో సంబరం. అమ్మాయి ముచ్చటగా మాట్లాడుతుంటే మనసంతా ఉల్లాసం. కానీ, అమ్మాయి పుట్టిందంటే మాత్రం ఇంటిల్లిపాదీ ఉస్సూరంటుంది. దేశం అభివృద్ధి పథంలో పయనిస్తున్నా... స్త్రీలు రాష్ట్రాలను, దేశాన్ని ఏలుతున్నా...ఆడపిల్లల పట్ల వివక్షాత్మక ధోరణి ముదురుతున్నడం నిజంగా మన దౌర్భాగ్యం. ఆడపిల్ల అమ్మ కడుపులో వుందని తెలియగానే అక్కడే ఛిద్రమై పోతోంది. ఇలా ఆడపిల్లలను పొట్టన పెట్టుకునే ధారుణమైన చరిత్ర పెద్ద పెద్ద ఇళ్ళల్లో, బాగా చుదువుకున్న వారిలో జరగడం బాధాకరం. ఎక్కడ స్త్రీ ఉంటుందో అక్కడ పవిత్రత వుంటుంది. వారి నవ్వులోనే వుంటుంది కమ్మనైన ప్రపంచం. స్త్రీలు అన్ని రంగాలలో ముందున్నట్లే, పురుషులతో సమానంగా ఎదగనివ్వాలి. దేశంలో ఆడ, మగ సంఖ్య సమానంగా ఉన్నప్పుడే దేశం అభివృద్ధి చెందటానికి వీలు కలుగుతుం

శుభాకాంక్షలు !

తెలంగాణ రాష్ట్రావతరణ దినోత్సవ శుభాకాంక్షలు !

ఏ ఉద్యమైనా,పోరాటమైనా విజయవంతం కావాలంటే, అన్ని వర్గాల సహాయసహకారాలు కావాలి. అదే విధంగా ప్రజలు ఉద్యమంలో మమేకమై స్వచ్చందంగా పాల్గొనాలి. అలా అన్ని రంగాల్లోని ప్రజలు, కులవృత్తులవాళ్ళు, మేధావులు, విద్యార్థులు, ఉద్యోగులు, కవులు, కళాకారుల పోరాటంతో సాధించిన రాష్ట్రం తెలంగాణా రాష్ట్రం. ఉద్యమాలలో తెలంగాణ ఉద్యమం ప్రత్యేకమైనది. చాలా మంది ఉద్యమకారులు తెలంగాణ కోసం ప్రాణాలు పణంగా పెట్టారు. తెలంగాణా రాష్ట్ర సాధన కోసం యువకులు, విద్యార్థులు ఆత్మహత్యలు, బలిదానాలు చేసుకున్నారు. అయినా అందరిలోనూ ఒకటే ఆకాంక్ష అదే తెలంగాణ రాష్ట్రము సాధించాలనే పట్టుదల. అందుకే ఉద్యమకారులందరూ కలిసికట్టుగా నడిచారు. తెలంగాణా రాష్ట్రాన్ని సాధించారు. ఉద్యమకారులకు వందనాలు... అభివందనాలు. అందరికీ తెలంగాణ రాష్ట్రావతరణ దినోత్సవ శుభాకాంక్షలు !

అమ్మదనం ...ఎంతో కమ్మదనం!

జన్మనిచ్చి జీవితాన్ని పంచిన తొలి దైవం .... కళ్ళముందు ఉండే మరో బ్రాహ్మ అమ్మ. నవమాసాలు మోసి జన్మనిచ్చి, అనురాగ ఆత్మీయాలను పంచే మరపురాని మరువలేని మాతృమూర్తి అమ్మ. కన్నబిడ్డలకు ఉగ్గుపాలతో స్పర్శనిచ్చి వాళ్ళ భవిషత్తుకు పునాదివేసే అమృత వర్షిని.  అందుకే అమ్మతో పోల్చడానికి ఈ ప్రపంచంలో ఏదీ సాటి రాదు. ఎన్ని జన్మలెత్తినా తీర్చుకోలేనిది అమ్మ ఋణం.  బిడ్డల శ్రేయస్సే తన జీవితాశయంగా భావించే అమ్మ అంటే ఎవరో కాదు  ప్రేమకు ప్రతి రూపం... మమతల మకరందం.  దేవుడున్నాడో లేదో తెలియదు కానీ మనకు జన్మ నిచ్చిన తల్లే ప్రత్యక్ష దైవం. అందుకే ప్రతిఒక్కరూ అమ్మ అనే స్త్రీ మూర్తులను గౌరవిద్దాం.  మాతృమూర్తి అయిన 'స్త్రీ'ని దైవసమానులుగా భావిద్దాం.  ఏడాది ఒక్కసారి వచ్చే మాతృదినోత్సవం రోజునే అమ్మను గుర్తుచేసుకోవడం గొప్పకాదు. కన్నతల్లిని ప్రతిరోజూ గుర్తుచేసుకుంటూ... అమ్మను కంటికి రెప్పలా చూసుకొన్ననాడే నిజమైన మాతృదినోత్సవం. 

నేడే...మేడే !

ప్రపంచానికి శ్రమ విలువను చాటి చెప్పి, శ్రమజీవుల బ్రతుకులలో వెలుగు నింపిన రోజు 'మే' డే. అప్పటి నుంచి కార్మిక శక్తికి ప్రతిరూపమైన మే 1న ప్రపంచ కార్మిక దినోత్సవం జరుపుకుంటున్నాము. కానీ, ఈనాడు ప్రభుత్వ కార్యాలయాలలోతప్ప ప్రైవేటు కర్మాగారాలలో మాత్రం ఇప్పటికి కార్మికుల చేత పశువుల్లా పని చేయించుకుంటున్నారు.  దేశంలో పేరుకు పెద్ద కంపెనీలుగా  చెలామణి అవుతున్న కార్పోరేట్ సంస్థలు కార్మికులను పీల్చి పిప్పి చేస్తున్నాయి. ఈ సంస్థలలో పనిచేసే కార్మికులకు కంటినిండా నిద్రలేక,  సమయానికి తిండి లేక ఆరోగ్యాలను పాడుచేసుకుంటున్నారు. కార్పోరేట్ సంస్థల కబంధహస్తాలలో ఎందరో కార్మికులు చిక్కుకొని రోదిస్తున్నారు. ఇలాంటి కార్మికుల జీవితాలలో వెలుగును నింపిన రోజే నిజమైన ప్రపంచ కార్మిక దినోత్సవం.

         కార్మిక సోదర సోదరీమణులందరికీ 'మే' డే శుభాకాంక్షలు!