జీవితం !

తులసి

భారతీయ సంస్కృతిలో  తులసికి ప్రత్యేకస్థానం ఉంది.  హిందువులు తులసిని పరమ పవిత్రంగా భావిస్తారు.  అంతేకాదు ఆరోగ్యప్రదాయని.... చక్కని ఔషదం కూడా.  అది ఎన్నోమొండి  రోగాలను నయం చేస్తుంది.  రోజూ కొన్ని ఆకులు నమిలి మింగితే  వ్యాధుల దరిచేరవంటారు.  మనవ శరీరంలో శ్లేష్మం పెరిగి శ్వాస ఆడక ప్రాణం పోతుంటే, తులసి తీర్థం తగిలి శ్లేష్మం విరిగి మనిషి బ్రతికిన సందర్భాలున్నాయి. అందుకే మనిషి తుదిశ్వాస విడిచేటప్పుడు తులసి తీర్థం గొంతులో పోస్తారు.  ఇంత పవిత్రమైనది కాబట్టి దేవాలయాలలో భగవంతుని తీర్థంగా భక్తులు స్వీకరిస్తారు.

మన భద్రత మన చేతుల్లోనే ...

ఓ కుటుంబ యజమాని  కుటుంబ సభ్యులతో మోటారు బైక్ మీద ఎలాంటి రక్షణ లేకుండా వెళ్ళడం చూస్తున్నాం. ఇది ఎంత ప్రమాదమో ఆ యజమాని ఆలోచించడం లేదు.  పిల్లలకు జాగ్రత్తలు చెప్పాల్సిన వాళ్ళే ఇంత రిస్క్ తీసుకొని ప్రయాణం చేయడం, ప్రమాదంతో పరాచకాలు ఆడటమే అవుతుంది.

విమాన వెంకటేశ్వర స్వామి

తిరుమలలో శ్రీవారిని దర్శించి బయటకు వచ్చేటప్పుడు ఉత్తర దిశలో "విమాన వెంకటేశ్వర స్వామిని దర్శించండి" అని బాణం గుర్తు చూపుతూ బోర్డు ఉంటుంది.  విమాన వెంకటేశ్వర స్వామికి వెండి మకర తోరణాన్నిఏర్పాటుచేయడాన్నిగమనించవచ్చు.  విమాన వెంకటేశ్వర స్వామిని దర్శిస్తే,  మూలవిరాటైన శ్రీవారిని దర్శించినంత పుణ్యం లభిస్తుందని భక్తుల నమ్మకం.  సరిగా స్వామివారి దర్శనం కలగనప్పుడు ఈ విమాన వెంకటేశ్వర స్వామిని దర్శించి తరించవచ్చు.

ఆహ్లాదం !

నీలాకాశంలో నీలిమబ్బులు

కదలాడుతున్న వేళ...

చల్లని గాలులు మేనును తాకగా...

చిరుజల్లులు అక్షింతలై పలకరించగా ...

ఆహ్లాదకరమైన వాతావరణం

నయనానందకరం !

మార్గదర్శకం !

అమ్మ మనసు...

మల్లెలంత తెల్లదనం !

నాన్న హృదయం...

వెన్నెలంత చల్లదనం !

అమ్మ మమకారం...

నాన్న సహకారం !

అమ్మ త్యాగం...

నాన్న అభయం !

తల్లి దీవెన...

తండ్రి ఆదరణ !

అమ్మ తోడు...

నాన్న నీడ !

అమ్మతో  సమానంగా

ప్రేమను పంచే  ఆదర్శముర్తి నాన్న!

బిడ్డలకు మార్గదర్శకం నాన్న !!

యోగామృతం !

'యోగ' అనేది ఏ మతానికో, సంస్కృతికో సంబంధించింది కాదు.  ఇది  సర్వజనుల శరీర ఆరోగ్యానికి సంబందించినది.  మనిషి ఒత్తడిని తగ్గించి, శరీరానికి, మనసుకు  అవసరమైన ప్రశాంతతను అందించే సంజీవిని.  ప్రకాశవంతమైన ప్రేమకాంతిని వెదజల్లి, వ్యక్తి చుట్టూ ప్రశాంతమైన, పరిపూర్ణమైన వాతావరణాన్ని కలిగించే అమృతవాహిని.  అంతేకాకుండా  అసూయ, ద్వేషం, భయం, శోకం, దుఃఖం వంటి మానసిక ఆందోళనలను తగ్గించి  కుళ్ళు,  కుతంత్రాలను దూరం చేసే సంపూర్ణ ఆరోద్యప్రదాయిని.  శరీరాన్ని తేలిక పరచి జీవనశైలిలో మంచి మార్పును తీసుకొచ్చి, అనేక రుగ్మతలకు పరిష్కారం చూపే   గొప్ప సాధనం 'యోగ'.