హల్ చల్ చేస్తున్న పొగరాయుళ్ళు !

బహిరంగ ప్రదేశాల్లో ధూమపానం నిషేధం ఉంది.  కాని, అది ఆచరణలో మాత్రం ఆమడ దూరంలో ఉంది.  ప్రజల ఆరోగ్యాన్ని దృష్టిలో పెట్టుకొని కేంద్ర ప్రభుత్వం ఈ  నిర్ణయం తీసుకుంది.  అయితే కేంద్ర జారీ చేసిన ఆదేశాలను రాష్ట్ర ప్రభుత్వాలు అంతగా పట్టించుకున్న దాఖలాలు కనిపించడం లేదు.  దీంతో సంబందిత అధికారులు సైతం తగు చర్యలు తీసుకోవడంపై అంతగా దృష్టి సారించలేక పోతున్నారు.  ఫలితంగా బహిరంగ ప్రదేశాల్లో ధూమపానం యదేచ్చగా కొనసాగుతోంది.  మొదట్లో కాస్త హడావుడి కనిపించినప్పటికీ ఆ తురువాత నిషేధం మాట మరచిపోయారు. ఇదే ఆసరాగా తీసుకొని పొగరాయుళ్ళు పొగను ఇష్టమొచ్చినట్టు ఊదేస్తూ హల్ చల్  చేస్తున్నారు. సిగరెట్టు పొగతో వాతావరణాన్ని కలుషితం చేస్తూ ... ఇతరులకు తీవ్ర ఇబ్బంది కలుగ జేస్తున్నారు.  పొగ త్రాగడం నేటి యువతకి ఒక ప్యాషన్ అయిపొయింది.  ధూమపానం వల్ల భయంకరమైన వ్యాధులు వస్తాయని తెలిసీ కూడా సిగరెట్టుకు బానిసలవుతున్నారు.  సిగరెట్టు త్ర్రాగే వారికంటే ప్రక్కనున్న వారికే ఎక్కువ ప్రభావం చూపుతుందనేది జగమెరిగిన సత్యం.  బహిరంగ ప్రదేశాల్లో సిగరేట్లను కాల్చుతున్న వారిని గుర్తించి తగు చర్యలు తీసుకోవాల్సిన అధికారులు అటువైపు కన్నెత్తి చూడటం లేదు.  ఇప్పటికైనా అధికారులు  పోగరాయుళ్ళపై చర్యలు తీసుకుంటే పరిస్థితుల్లో మార్పు వచ్చే అవకాశం ఉంది.

శుభోదయం !

తొలి సంధ్య వేళ ...
కోవెలలో ...

పరవశింపజేసే ప్రకృతి అందాలు 

అత్యంత మనోహరం !

మహిళలను గౌరవిద్దాం ..ఆడపిల్లలను బ్రతకనిద్దాం !

సమాజంలో స్త్రీల వదనం పైనఎప్పుడూ చిరునవ్వులు విరబూయాలంటే...జన్మనిచ్చిన మహిళలను దేవతగా చూడాలి.  సామాజికంగా, ఆర్థికంగా మహిళలకు పురుషులతో సమానంగా తగిన ప్రాధాన్యత ఇవ్వాలి. మగపిల్లలతో సమానంగా ఆడపిల్లలను పెంచాలి.  తల్లిదండ్రులుచిన్నతనం నుంచి మగపిల్లలలో  సంస్కారబీజాలను నాటాలి.    మనకు చట్టాలు  ఎన్నో ఉన్నాయి.  కానీ, వాటిని అమలు పరచడంలో అధికారుల లోపం కనబడడంతో నిత్యం మహిళలపై అకృత్యాలు జరుగుతున్నాయి. మన పాలకులు చెబుతున్నవి ఆచరణలో జరగడం లేదు.  ఇప్పటికైనా మహిళలకు మరింత భద్రత కల్పించాల్సిన భాద్యత ప్రభుత్వాల పైన ఉంది.  కేవలం మహిళా దినోత్సవం రోజునే మహిళలపట్ల గౌరవం పాటిస్తే సరిపోదు.  నిత్యం మహిళల హక్కులు, వారి భద్రత,  వారిని గౌరవించడం, స్వేచ్చ పైన చర్చలు జరుగుతూ ఉండాలి.  అలా జరిగినప్పుడు ప్రతిరోజూ మహిళా దినోత్సవమే అవుతుంది.  

ఆరుగురి జీవితాల్లో వెలుగు నింపిన 'మణిదీపం' !

వసంతోత్సవం !

వసంత ఋతువు ఆగమనాన్ని పురష్కరించుకొని పిల్లలు, పెద్దలు ఆనందోత్సాలతో... ఆహ్లాదంగా జరుపుకునే సరదా రంగుల పండుగ హోలి. వసంత వేల ప్రకృతిలోని అనేక రంగుల పూలతో మమేకమయ్యే రోజు హోలి పూర్ణమి.  నాడు సంప్రదాయ బద్దమైన హోలీ పండగను ప్రమానురాగాలకు తార్కాణంగా జరుపుకునే వారు. ప్రకృతిలో దొరికే రకరకాల పూలతో, వేపాకులు, తులసాకులు, పసుపు, కుంకుమ కలిపిన నీటిని వసంతోత్సవంగా జరుపుకునేవారు. ఇలా చేయడం వల్ల చర్మవ్యాధులు ప్రబలకుండా ఉంటాయి.   ముఖ్యంగా మోదుగ పూలతో తయారు చేసుకున్న రంగును వాడేవాళ్ళు.  నేడు వాటి స్తానంలో కృత్రిమ రసాయనిక రంగులు మార్కెట్లోకి రావడంతో ప్రజలు వాటి పైన మోజు పెంచుకుని లేని అనర్థాలను కొని తెచ్చుకుంటున్నారు.  అంతేకాదు రసాయనిక రంగులు వాడటం వలన ఒక్కోసారి కంటి చూపు పోయే ప్రమాదం కూడా లేకపోలేదు.  అనేక చర్మవ్యాధులు వచ్చే అవకాశం ఉంది.  రంగులు చల్లుకోవడంలో తగుజాగ్రత్తలు తీసుకుంటూ,  సహజసిద్ధమైన రంగులతో జరుపుకోవడం సరైన మార్గం.  ఇలా తగు జాగ్రత్తలు తీసుకుంటూ హోలి పండుగను ఆనందంగా జరుపుకుందాం!

                        అందరికీ హోలీ శుభాకాంక్షలు!

స్వగతం ...సుస్వాగతం !

ప్రేమరాగం !

shark emoticon సాహితీ సేవ సమూహం నిర్వహించిన చిత్ర కవితల పోటీ -13 లో ' ప్రేమ ' అంశంపై ' ప్రేమ రాగం ' .. అనే శీర్షికతో కవిత రాసి" ప్రత్యేక బహుమతి" గెలుచుకొని విజేతగా నిలచిన కవి శ్రీ కాయల నాగేంద్ర గారికి అభినందనలు.
_________________/\_______________
shark emoticon కవి శ్రీ కాయల నాగేంద్ర గారి కలం నుండి జాలు వారిన కవితా కుసుమం.
☼ :-:☼ :-:☼ :-:☼ :-:☼ :-:☼ :-:☼ :-:☼ :-:☼ :-:☼ :-:☼
heart emoticon ప్రేమ రాగం ..
ప్రేమ ...
అనుబంధం పూసిన పుష్పయాగం
అనురాగం ఎగిసిన సుగంధ పరిమళం
సర్వమానవాళి శ్రేయస్సు కాంక్షించే శోభాయమానం
ఆ పేరు వింటేనే మధురం... ఆ పలుకు మధురాతి మధురం
ప్రేమంటే ...
ఒక పులకింత... ఓ కలవరింత !
కులం, మతం, వయసు అనే సరిహద్దులు లేని గమ్యం
ఓటమి ఎరుగని మలయ మారుతం
ఏదో ఒక క్షణాన ప్రతి జీవిలోనూ చిగురించే
ఓ దివ్యమైన అనుభూతి !
దేవుడు మానవులకిచ్చిన అపురూప కానుక ప్రేమ
దానికి త్యాగం తప్ప మోసం, వంచన తెలియని
స్వచ్చమైన స్వాతిముత్యం !
ఈ ప్రేమ బంధానికి నమ్మకం పునాది
ఆ నమ్మకం కలకాలం నిలవాలంటే...
హృదయవీణపై ప్రేమరాగం
నిరంతరం మోగుతూ ఉండాలి !
గుండెల్లో నాదమై...
కళ్ళల్లో వెలుగుదీపమై...
అణువణువునా ప్రాణమై...
నిరంతరం ప్రకాశిస్తూ ఉండాలి !
- కాయల నాగేంద్ర