”శోధిని”

Saturday, 27 September 2014

జయలలితకు జైలు శిక్ష !



అక్రమాస్తుల కేసులో తమిళనాడు సీఎం జయలలితను దోషిగా నిర్ధారించిన బెంగుళూరులోని ప్రత్యేక న్యాయస్థానం ఆమెకు నాలుగేళ్లు జైలు శిక్ష విధించింది. ఆమెతో పాటు శశికళ, ఇళవరసి, సుధాకరన్ లను కూడా కోర్టు దోషులుగా తేల్చింది. మొత్తం దోషులు నలుగురికి కలిపి రూ. 100 కోట్లు భారీ జరిమాన విధించింది. ఈ మొత్తాన్ని దోషులు ఒక్కొక్కరు రూ.25 కోట్లు చొప్పున చెల్లించాలి. దీనితో ఆమె తన పదవికి రాజీనామా చేయనున్నారు.

Wednesday, 24 September 2014

హైదరాబాద్ ను కాటేస్తున్న కాలుష్యం !


గ్రేటర్ హైదరాబాద్ లో నానాటికి పెరుగుతున్న కాలుష్యం,   నగరవాసులకు ప్రాణసంకటంగా మారుతోంది.  లక్షల్లో పెరిగిన వాహనాల నుంచి నిత్యం వెలువడుతున్న దుమ్ము, ధూళి నగరప్రజలను ఉక్కిరిబిక్కిరి చేస్తున్నాయి.  వాతావరణంలో ధూళి రేణువులు అధికం కావడం వల్ల రోజూ బయట సంచరించే వారు వివిధ రకాల వ్యాధులకు గురవుతున్నారు. దీనికి తోడు విచ్చలవిడిగా పారిశ్రామికీకరణ జరగడం, పరిశ్రమల నుండి హానికరమైన వాయువులు వాతావరణంలోకి వదలడం వలన భూతాపం పెరిగిపోతోంది.  కాలుష్యం వల్ల హానికర వ్యర్థాలు చెరువుల్లో కలుపుతున్నారు.  అవి నీటి వనరులను కలుషితం చేసి నీటి కాలుష్యాన్ని పెంచుతున్నాయి.  వాహన కాలుష్యం, జలకాలుష్యం పెరగడం కారణంగా భూమి రోజురోజుకు వేడెక్కి, మొత్తం జీవరాశి ఉనికి ప్రశ్నార్థకంగా  మారుతోంది.  పరిస్థితి మరింత విషమించక  ముందే అధికారులు మేల్కొని,  వాయు, జల కాలుష్యం నుండి హైదరాబాద్ ను కాపాడాలి.

Sunday, 14 September 2014

అనురాగ బంధం !

 
స్నేహమంటే ...
స్వార్థంలేని ఓ ఆరాధన 
కల్తీలేని ఓ మధురభావన 
కపటంలేని ఓ  భరోసా 
కష్టాలలో ఆదుకునే ఓ  ప్రాణం 
ఆప్యాయతతో ఆదరించే...
స్వచ్చమైన అనురాగ బంధం!