మనవాళ్ళు

స్వదేశంలో 

'చదువు' కొంటారు 

విదేశాలల్లో 

'జ్ఞానం' అమ్ముకుంటారు 

ప్రేమ బంధం!

అపురూపం... 

అద్వితీయం...   

అపూర్వం...  

అమోఘం...   

నీ రూప లావణ్యం...  

సాటి రాదు 

ప్రకృతి  సౌందర్యం! 

ఆత్మీయత...  

అనురాగం... 

ఆప్యాయత...  

అనుబంధం...  

పెనవేసుకున్న 

పవిత్ర బంధం 

మన ప్రేమ బంధం!! 

ఈరోజు ఈనాడులో...

దాంపత్య జీవితం!

మూడుముళ్ల బంధం 

ముచ్చటైన బంధం 

ఆప్యాయత, అనురాగం...  

ఆత్మీయత, అనుబంధం...  

పెనవేసుకున్న బంధం 

భార్యాభర్తల ప్రేమ  బంధం 

ఆలుమగల దాంపత్యం 

అన్యోన్య హరిత పత్రం 
మాధుర్యాన్ని ఆస్వాదించేవారికి 
దాంపత్య జీవితం 
కడు  రమణీయం 
బహు కమనీయం! 

ఆరోగ్యానికి వరం ... బొప్పాయి ఫలం!

 

బొప్పాయిలో ఔషద గుణాలు, పోషక విలువలు అనేకం ఉన్నాయి. ఈ పండును తింటుంటే  ఆరోగ్యానికి ఎలాంటి డోకా ఉండదని పెద్దలు చెబుతారు.  అయితే బొప్పాయిని మితంగా తినాలి. జీర్ణశక్తి పెరుగుతుంది, సౌందర్య సాధనంగా ఉపయోగపడుతుంది. రోగ నిరోధక శక్తి పెంచుతుంది. నొప్పులు, వాపులు, చర్మ వ్యాధులకు అమోఘంగా పనిచేస్తుంది. బొప్పాయి పండును తీసుకోవడం వల్ల ఆయుష్షు, తేజస్సు, వర్చస్సు ఇనుమడిస్తాయి. అందంగా, ఆరోగ్యంగా ఉంచుతుంది. 

కన్నుల్లో మెరిసావు!

 

పువ్వులోని మాధుర్యాన్ని

ఆస్వాదించే తుమ్మెదలా ...

స్వచ్చమైన నీటి అలల పైన

విహరించే రాజహంసలా ...

లేతమామిడి చిగుళ్ళు తిని

పులకించిపోయే కోయిలలా...

నిండుపున్నమి వేళ

కురిచే జలతారు వెన్నెలలా...

కోవెల కొలనులో విరిసిన

అందమైన తామరపువ్వులా...

ఆత్మీయ అనుబంధాన్ని పంచుతూ

కన్నుల్లో మెరిసావు

చూపుల్లో నిలిచావు 

వినోదం అంటే ఇదేనా?

ఈటీవీ లో వచ్చే  'జబర్దస్త్ కామెడీ షో'  హాట్ ... హాట్ యాంకర్స్ ని అందిస్తోంది.  మొదట అనసూయతో ప్రారంభమైన  'జబర్దస్త్ కామెడీ షో'లో ఆమె హావభావాలు,ఆమె ధరించే దుస్తులు టీవీ ప్రేక్షకులను కట్టిపడేశాయి.  దాంతో ఈ షో  ఒక రేంజ్ కి వెళ్ళిపోయింది. అనసూయను చూసి మన యాంకర్స్ డీలా పడిపోయారు. ఇప్పుడు అనసూయ ఛానల్ మారడంతో 'జబర్దస్త్ కామెడీ షో' కి రేష్మీ అనే  మెరుపు తీగ యాంకర్ గా దూసుకువచ్చింది. అనసూయను మరిపించేలా దుస్తులతో, తన హావభావాలతో ప్రేక్షకులను ఆకట్టుకుంటూ ...  అనసూయకు గట్టిపోటీ ఇస్తోంది.  కొసమెరుపు ఏమిటంటే  'జబర్దస్త్ కామెడీ షో' చూస్తుంటే ఇది ఈటీవీ యేనా అనే అనుమానం రాక మానదు.  ఎందుకంటే ఈటీవీ లో ఇంతకు ముందు ఇలాంటి అభ్యంతకర, అశ్లీలకర సన్నివేశాల కార్యక్రమాలు రాలేదు. 'జబర్దస్త్ కామెడీ షో'లో కామెడీ శృతిమించి పోయింది. కామెడీ అంటే హాయిగా కుటుంబసమేతంగా నవ్వుకోవాలి.  కుళ్లు జోకులు, డబుల్ మీనింగ్ సంభాషణలతో రోత పుట్టిస్తున్నారు.  వినోదం అంటే ఇదేనా?

 

ఓ నాన్నా...నీ మనసే వెన్న!

ఓ నాన్నా ఓ నాన్నా
ఓ నాన్న! నీ మనసే వెన్న
అమృతం కన్న అది ఎంతో మిన్న
ఓ నాన్నా ఓ నాన్నా

ముళ్ళ బాటలో నీవు నడిచావు
పూలతోటలో మమ్ము నడిపావు
ఏ పూట తిన్నావో ఎన్ని పస్తులున్నావో
పరమాన్నం మాకు దాచి వుంచావు            //ఓ నాన్న//

పుట్టింది అమ్మ కడుపులోనైనా
పలు పట్టింది నీ చేతిలోన
ఊగింది ఉయ్యాలలోనైనా
నేను దాగింది నీ చల్లని ఒడిలోన
చల్లని ఒడిలోన                                 //ఓ నాన్న//

ఉన్న నాడు ఏమి దాచుకున్నావు
లేనినాడు చేయి సాచనన్నావు
నీ రాచగుణమే మా మూలధనము
నీవే మాపాలి దైవము                           //ఓ నాన్న//  

చిటపట చినుకులు

చిటపట చినుకులు పడుతుంటే... 
పుడమితల్లి పులకించింది   
మేనుపై జాలువారే చినుకులకు 
ఆమె మనసు పరవశించింది 
చల్లగా వీచే చిరుగాలికి 
ఆమె మయూరమై నర్తించింది   
ఆమె అణువణువునా అలజడి 
ఆమె చూపుల్లో వలపు జడి 
ఆమె ఆధరాలపై చిరుజల్లు 
ఆమె చిరు నగవులో హరివిల్లు 
ఆమె ప్రతి కదలికలోనూ కోమలం 
మైమరపించే అందాల సౌందర్యం! 

ప్రేమ పావురాళ్ళు!

మంచు తెరలో దాగిన 
హిమబిందువులా ... 
నీలిమేఘాలలో వొదిగిన 
వాన చునుకులా ... 
కోవెల కొలనులో వెలసిన 
తామర పువ్వులా ... 
విరిసిన కుసుమంలో నిండిన 
మధుర్యంలా ... 
ప్రేమికుల మధ్య 
ఆప్యాయతానురాగాలు 
పరిమళించాలి! 
హృదయం నిండా 
అనురాగ కుసుమాలు 
గుభాళించాలి!! 

మిల్క్ బ్యూటీ!

తెలుగు చలనచిత్రరంగంలో రచ్చరచ్చ చేస్తూ...  తన తడాఖా చూపిస్తోంది మిల్క్ బ్యూటీ తమన్నా. తన  అందాలను  యధేశ్చగా ఆరబోస్తూ  బికినీ షోకు సై అంటోంది ఈ ముద్దుగుమ్మ. అదిరేటి డ్రస్ లతో  కుర్రకారు గుండెల్లో గుబురు పుట్టిస్తోంది. ఇప్పటికే టాలీవుడ్ హీరోలందరి తోనూ నటించింది. ఇంత వరకు ఈ అమ్మడుతో నటించని హీరోలు ఆమేతో సినిమా చేయడానికి తహతహలాడుతున్నారు.  ప్రస్తుతం టాలీవుడ్ ను  ఒక ఊపు ఉపేస్తున్న  తమన్నా దీపం ఉండగానే ఇళ్ళు చక్కబెట్టుకుంటోంది. సమాజంతో పనిలేదు  డబ్బే ప్రదానమని ముందుకు వెళ్తోంది.  

మనిషికి ఉండాలి నిబ్బరం... 
ఇతరుల ఎదుగుదల చూసి 
ఉండకూడదు కడుపుబ్బరం!

దేశం కోసం!

దేశాభివృద్ధి కోసం...  
శ్రామికుడు!
దేశ రక్షణ కోసం... 
సైనికుడు!! 
దేశాన్ని దోచుకోవడానికి... 
నాయకుడు!!! 
కష్టపడుతున్నారు. 

పర్యావరణాన్ని రక్షించు!

      మనిషి మహా స్వార్థపరుడు. ఏది ఏమైనా పర్వాలేదు,  బాగుంటే చాలు, నాలుగు తరాలకు సరిపడా సంపాదించుకుంటే చాలు అనుకునే దుర్మార్గపు ఆలోచనతోనే ప్రకృతిని నాశనం చేస్తున్నాడు.    ఫలితంగా గుండె నిండా గాలి పీల్చుకున్న ప్రతిసారీ మనం చెటికెడు కాలుష్యాన్ని ఊపిరితిత్తుల్లో నింపుకుంటున్నాము. మనవల్ల  పర్యావరణానికి ముప్పు వాటిల్లడంతో అకాల వర్షాలు పంటలను మింగేస్తున్నాయి. మండే ఎండలు మనుషుల్ని మాడ్చేస్తున్నాయి.  కొత్త కొత్త వ్యాధులు పుట్టుకొచ్చి ప్రాణాలను తీస్తున్నాయి. ఋతుపవనాలు గతి తప్పుతున్నాయి.  దాంతో భూలోకం వేడెక్కుతోంది.  భూగర్భ జలాలు అడుగంటిపోతున్నాయి.  త్రాగేందుకు గుక్కెడు మంచి నీళ్ళు దొరకడం గగనం అయిపొయింది.  ఎంత జరుగుతున్నా మన పాలకులకు చేమ కుట్టినట్లయినా లేదు.  పర్యావరణాన్ని పరిరక్షించాలంటే మనిషి ప్రకృతితో యుద్ధం చేయకూడదు.  కొండలను కొండలుగా ఉండనివ్వాలి. నదులను స్వేచ్చగా పారనివ్వాలి.  చెట్లను చేట్లుగానే బ్రతకనివ్వాలి.  మనసున్న ప్రతి ఒక్కరూ  పర్యావరణాన్ని కాపాడుకోవడానికి భాద్యతగా మందుకు రావాలి. అడవులు హరించి, జంతువులను మట్టుపెట్టి పచ్చదనాన్ని పొట్టన పెట్టుకుని, అన్నీ హరించి, అంతం అయ్యాక జీవకళ కనుమరుగవుతుంది.  ఇది  మానవజాతికే గొడ్డలి పెట్టు అన్న వాస్తవాన్ని మనం గుర్తించాలి. ఇప్పుడయినా  మనిషి మేల్కొనక పొతే రాబోయే  రోజుల్లో మనిషి మనుగడ అసాధ్యం. అందరి క్షేమాన్ని దృష్టిలో ఉంచుకుని హరిత ప్రకృతిని కాపాడుదాం.  

సౌందర్య లహరి!

ఉషోదయ వేళ మెరిసే 

తొలి కిరణంలా

సాయం సంధ్య వీచే  

చల్లని చిరుగాలిలా

బ్రాహ్మీ ముహూర్తాన వచ్చే 

అందమైన కలలా 

వెన్నెల్లొవికసించిన

మల్లెల పరిమళంలా 

సప్త వర్ణాలను నింపుకున్న 

హరివిల్లులా 

సప్త స్వరాలను పలికించే 

వేణుగానంలా 

మంచు తెరలో దాగిన 

హిమ బిందువులా 

నీ సౌందర్యం మనోహరం 

నీదరహాసం  ఆహ్లాదకరం! 

మన దేశంలో...

తిండి దొరక్క 
కోతిని ఆడించేవాళ్ళు  
కొంత మంది అయితే...  
తిన్నది అరక్క 
కోతి చేష్టలు చేసేవాళ్ళు 
చాలా మంది!

పాపం... మూగజీవులు!

తరిగి పోతున్న అడవులు...  
తల్లడిల్లుతున్న అటవిజీవులు! 

పర్యావరణాన్ని కాపాడుదాం...    
ప్రాణ కోటిని రక్షిస్తాం!